Mɛɛ ŋga David na gbun saŋgo ni.
67
Nyiɛkpɔɔ o fooro le,mu o dwan,
mu yiɛ nyaa mu o le,
2 mbe ki ti mbe waŋgra ŋga leele,
mu kolo,
na mu ŋmaashɔmu chin.
3 Nyiɛkpɔɔ, leele we mu ŋga mɛɛ,
waŋgra ŋga leele kro
we mu ŋga mɛɛ.
4 Waŋgra ŋga leele yiɛ we shɔ
mbe pe mɛɛ kɔ mbe mu ŋga,
Ŋgi na hin?
Ŋu mu leele le imi na ki fna,
na pe kala lii na kpra ni.
5 Nyiɛkpɔɔ, leele we mu ŋga mɛɛ,
waŋgra ŋga leele kro
we mu ŋga mɛɛ.
6 O Nyiɛkpɔɔ wre we o dwan,
mbe sro nyjɛ o luu
tra ŋga nu kro nyu.
7 Nyiɛkpɔɔ we o dwan,
mbe leele mblɛ pee wa tra
ŋga na kro u fiɛ.