Mɛɛ ŋga David na kɔ Judah tablɔ tra kre nu.
63
Nyiɛkpɔɔ ŋu wi ni Nyiɛkpɔɔ,mu la ni ta,
a ndaa mu haa chaa.
Ni nyiɛ kila na mu chaa na tro,
na lewo nyumu chaa,
tra ŋga nu nyumu n wa nu,
ki tia mu la ni ta mu tro.
2 Ni mu nya
mu cheche lawee kre nu,
a ni mu jaŋga,
na mu yɛnyiŋge nya.
3 Ŋga mu koroo tna
mu wɛ ŋmaa na ŋga,
mbe mu ŋga mɛɛ.
4 A mbe kɛnyi yire nyjeeri,
mbe mu tali.
5 Ni nyiɛ we yɔɔ,
na ki sro taan ta mu li.
Mbe ni mɛɛ tɛɛn kɔ,
mbe mu ŋga mɛɛ.
6 Na nii wa ni dɛŋglɛ na kuraa kre,
ni mu sɔɔnri,
a na ndroo lɛ kuraa kre,
ni mu kee jawa.
7 Ŋgi na hin? Ŋu wi ni yafun,
a mu kuɛn jaara,
ni yɛshɔɔrɔ mɛɛ koni.
8 Ni mbra mu na,
a mu kalie kɛ ni yii.
9 A mblɛ pe ni chaa mbe kla pre,
we le tra mbe sɛ kuulo ndoo.
10 Pie pe gbo ŋunɔ,
mbe ŋmbokuŋmboe pe kaara ka.
11 La ŋunu yiɛ we shɔ Nyiɛkpɔɔ na,
a mblɛ pe Nyiɛkpɔɔ mɛɛ tɛɛ,
na nyu yuu pre we u ŋga mɛɛ,
la, mblɛ pe kala fnɛ pre
nyu we pɔ pe na.