Mɛɛ ŋga David na gbun na juru ni.
61
Nyiɛkpɔɔ, ni nyɛnɛɛ loo,mu ndie tɛɛ ni nyiɛtalaa na.
2 Ni yire haalee mu mu yeeri,
nyjila ŋga ni
ni jawala kro fun ni nu.
Jande, sɛ ni yire dnɛ ŋga ki gede,
mu wɛ ni na na.
3 Ŋgi na hin?
Ŋu wi ni fɛnkaarifun,
a ŋu mu kɛ toni ni na
ni loŋgoolo yiɛ.
4 Mbe tni mu Suminyuŋgo,
mbe sɛ su ni kumu ble,
a mu kuɛn jaara mbe tni
mbe niyɛ ta.
5 Nyiɛkpɔɔ, nyu ŋga
ni yo mu pan kre, mu ki loo,
krɔyirɛ nyjɛ yi fna
mblɛ pe mu fiɛ ni kre,
mu ni ŋga yɛ.
6 Ka ya ŋunu wre ble na,
mbe u ŋmaa tnu titi,
7 mbe u jaa ŋunumu li
mu yiɛ blenyini,
mbe mu mu kpra dumiɛn
kre tɛɛ mbe u le.
8 Kre mbe mɛɛ tɛɛn kɔ
mbe mu mɛɛ yile,
mbe li ni nyu kee ŋga ni yo
kre na lafo na blee.