Mɛɛ ŋga David na kɔ nyjila ŋga ni wra wi na Aram-Naharaim na Aram-Zobah leele ni, a Joab na sɛ wi na Edom leele kagbenyi kɛmbɔshiin ni mu ndru mu pan.
60
Nyiɛkpɔɔ, mu o je,mu o gbun mu nyina,
a mu krɔ kun na o ni.
Jande ndru mu pan mu o le.
2 Mu tia tra seeri mu yɔɔlɛ,
ki yii mu mbra
mu ki gbeele o pan.
3 Mu tia mu leele kala nya titi,
mu na fuula na gbɔgbɔɔlɔ lɛ.
4 La, mblɛ pe mu fiɛ pre,
mu pe jaari mbe pe fɛɛ shɔ
pe loŋgoolo kɛɛ.
5 Mu jaŋga kre tɛɛ mu o yii,
mu o nyiɛtalaa loo,
mu mu leele mblɛ mu kori
pre shɔ.
6 Nyiɛkpɔɔ yire u Suminyuŋgo wa
mu paara mbo,
“Mbe yɛshɔɔrɔ tɛɛ
mbe Shechem na Succoth tra kre
yɔɔlɛ mbe ni leele ŋga.
7 Ni wo yi Gilead tra,
a ni wo yi Manasseh tra,
a Ephraim leele rɛ,
ni ndra tɔɔnrɔ juulee lɛ.
A Judae pe ni ŋunumu kanyie.
8 Ni weli yira yi Moab leele,
a Edom leele na mbe ni jeelee
kpawrɛ wɔ mbe taa.
A ni wi mu Philistine tra ja.”
9 Nyiɛkpɔɔ, ŋmbi we sɛ
na ni ni Edom chia,
ŋga pe buŋgo sin
mu fɛ mu kun kre na,
mbe ni sɛ wi na pe ni
mbe pe ja hin?
10 Nyiɛkpɔɔ, kena yɛŋgɛ mu o je ra?
A mu n ya o na, a o sɛ wi.
11 Jande pan mu ya o na,
mu o shɔ o loŋgoolo kɛɛ.
Ŋgi na hin?
Lewo wa jaa ya o na.
12 Na Nyiɛkpɔɔ wa o kro,
oo wi mbe yili,
a we wi
mbe o loŋgoolo ni o pan.