David mɛɛ ŋga wra gbun na juru ni nyjila ŋga ni Ziph ndro wre na sɛ yo Saul pan na David wa mu ndra pe lawee.
54
Nyiɛkpɔɔ, mu mɛɛ krejaŋga tɛɛ mu ni shɔ.
Yire mu jaŋga kre na
mu ni kala li mu ni ŋga.
2 Nyiɛkpɔɔ, ni nyiɛtalaa loo.
Jande, ni nyu kee loo ni pan.
3 Fumblɔ yiri mu ni taan.
Ndra shelifɛɛnlɛ
mblɛ pe n Nyiɛkpɔɔ wru
mu pe yaka kre,
pe ni haa chaa mbe ni gbo.
4 Yɛŋgɛ na, Nyiɛkpɔɔ wi ni yafun,
wre wi ni lefun.
5 Nyiɛkpɔɔ u ni loŋgoolo pre
ndie tini, pe sisam na,
mbe yire u kpra kre na
mbe pe kla.
6 Mbe lɛɛ wɔ mbe sra wɔ
mbe mu ŋga, mbe mu ŋga mboo,
chichie ŋga mu pe na.
7 Mu ni shɔ ni kanyana kro nu,
mu tia ni nya imi na
mu ni loŋgoolo ja.