David mɛɛ ŋga wra kɔ.
53
Jijiele pe yuu peyɛ panna Nyiɛkpɔɔ n wa. Pe kla kro,
afunyi kee bribri pe pini.
Wa n wa, na ŋga ki fraka pini.
2 Nyiɛkpɔɔ wa nyjeeri,
na lewo na nyjuro le tra mna,
na aada we jawalafun,
ŋmba u u haa chaa nya.
3 La, pe kro u kolo wa,
wa n wa mu nyu.
Wa n wa na chichie pini,
hali ndro nunu chom
kuraa n wa.
4 Sisampefɛɛnlɛ mblɛ
pe ni leele kaa na kaara yi,
a pe n na ni haa chaa kre,
pe n na nyaa ree?
5 Lawee ŋga nu fiɛrɛ n wa kre,
bawa pe fiɛ.
Nyiɛkpɔɔ we u leele loŋgoolo kla.
We kɛ laa pe na, mbe pe pe ja.
6 Ni nyiɛtalaa yi na
Nyiɛkpɔɔ we yiri Zion na,
mbe paan Israel leele ŋga
pe ŋmaashɔmu.
Ble ŋga na Nyiɛkpɔɔ we ti
mbe u leele pre wejinyiŋge ta
kre, pe yiɛ we shɔ.