Mɛɛ ŋga Korah bibilɛ na kɔ.
47
Waŋgra leele kro,e kɛnyi koori,
e yɛshɔɔrɔ tɛɛ,
e Nyiɛkpɔɔ mɛɛ yile.
2 Ŋgi na hin? O Tafun Nyiɛkpɔɔ
Jaŋgafun wre kee fiɛrɛ ni,
ŋunu kpɔɔ wi tra ŋga na kro.
3 U tia leele na piin fiɛn o yiɛ,
mu tia waŋgrɛɛ wa o jaara.
4 U tia o tra ŋga na oo tni chin,
a o yiɛshɔ ki na, a u o kori.
5 Nyiɛkpɔɔ sɛ tni u ŋujɔɔn na,
a leele na gblee yɛshɔɔrɔ ni,
na bnɔɛ foo, na o Tafun
Nyiɛkpɔɔ wre kaan mɛɛ.
6 E mɛɛ kɔ e Nyiɛkpɔɔ mɛɛ yire.
O ŋunu wre, e mɛɛ kɔ e u kpɔɔ.
7 Ŋgi na hin?
Nyiɛkpɔɔ wi tra ŋga kro ŋunu,
kena e mɛɛ kɔ, e u ŋga mɛɛ.
8 Nyiɛkpɔɔ wi ŋunu waŋgra kro nu,
a uu wa mu tni
u ŋujɔɔn cheche kre na.
9 Waŋgrɛ yire ŋulo kro ble.
Pe kro pe
Abraham Nyiɛkpɔɔ wre leele.
Waŋgrɛ yire ŋulo to Nyiɛkpɔɔ yiɛ,
mu na u kaan mɛɛ.