Bijam mɛɛ ŋga Korah bibilɛ na kɔ.
45
Ketaan ni loloŋgo nyi mu tro,ki tia mbe mɛɛ fɔŋgɔ kɔ
mbe ŋunu ŋga.
Ni ndile nyaanyaa na nyunɔfun,
ŋmba kɛ kii nyaanyaa
u nyunɔ kaan na yi.
2 Ŋunu, mu nyu mu wɛ ndro kro na,
a mu paara mu chin,
a Nyiɛkpɔɔ mu dwan nyjila kro nu.
3 Jaŋgafun, mu brɔfiɛn wru
mu pɔ sɛlɛ,
mu jaŋga na mu yɛnyiŋge kpɔɔ.
4 Mu jaŋga kre tɛɛ mu wi mu sɛ yiɛ,
mu kpra na mu nyjiimu,
na mu frakaa we yili fimi na,
mbe mu jaŋga kre ti,
mbe mu wi mbe yili.
5 Mu snimi nyjɛ nyu yi tna yire,
mu yi tɛɛ
mu mu loŋgoolo suulo lolonyi nu,
a waŋgrɛ to mu yiɛ.
6 Ŋunumulie ŋga Nyiɛkpɔɔ mu ŋga
kree wa nyjila kro nu,
a kpra ni mu leele le.
7 Ŋga ki fraka kre mu kori,
a mu sisam kee fun.
Kre ki tia mu Nyiɛkpɔɔ mu wɔ,
mu mu ŋga yɛshɔɔrɔ
mu wɛ mu ŋmbilɛ na kre.
8 Mu dodonyi ndiom tna,
na tlade ndiom taan ni pe yi fa.
Ŋunu katoo ŋga lam pe san
na hlo ŋgaala ni,
bawa mɛkɔmblɔ mɛɛ koni
na mu yiɛshio.
9 Ŋulo bichiɛlɛ chaa mu chiɛlɛ nu
na mu kaan yɛnyiŋge.
A mu chɔɔ wa mu yire mu kalie,
mu swanyiɛ titi yirɛ le.
10 Ŋunu bijɔ loo, ndie tɛɛ,
mu leele na mu lɛ katoo fɛɛ,
11 mbe ŋunu yiɛ shɔ mu nyumu na,
Ŋgi na hin? Wre wi mu tafun,
kena ti u kee le mu ndie.
12 Tyre leele we paan mu kɛ yirɛ,
Ŋgi na hin?
Swafɛɛnlɛ we na chaa
mbe pe kee mu yiɛ nyi.
13 Ŋunu pɔ chlɔɔ wa
yɛnyiŋge kpɔɔ ni ŋunu katoo.
Ŋgi na hin?
Swanyiɛ ni u uyɛ sani.
14 Chiɛlɛ mblɛ pe n bilɛ chin,
mu pe u nɔɔlɔ pre taa u kro,
mbe u dodonyi chichiele le,
mbra shie ŋunu lawee.
15 Yɛshɔɔrɔ kpɔɔ ni pie na paan,
mbe sɛ le ŋunu katoo.
16 Mu biile we tni mu lɛɛlɛ titɛɛ,
a pie pe tɛɛ tra ŋga ŋulo.
17 Mbe ti mbe pe mu mɛɛ sɔɔnri
nyjila kro nu,
a ndro kro we mu mɛɛ yile.