Kanyana Nyiɛtalaa
43
Nyiɛkpɔɔ jande, ni kpra kun.Ni kala li leele mblɛ pe n pe
mu leele pre yiɛ mu ni ŋga.
Ni shɔ mu yili kafinɛfɛɛnlɛ
na dnumufɛɛnlɛ pre kɛɛ.
2 Nyiɛkpɔɔ, ŋu wi ni fɛnkaarifun.
Mni a mu kɛ laa ni na hin?
A mni a ni kro na fooro lii,
ni loŋgoolo yiɛ ma hin?
3 Ti mbe mu nyisee na mu kpra pan,
mbe yiɛklu ni pan
mbe sɛ na ni ni
mu nyua cheche kre jaara,
na mu Suminyuŋgo
ŋga nu mu nyi kre nu,
4 mbe ni jaa sɛ ni yɛshɔɔrɔ ŋgafun,
Nyiɛkpɔɔ wre sragbunu kre jaara.
Ni Nyiɛkpɔɔ, mbe juru gbun,
mbe mɛɛ kɔ, mbe mu mɛɛ yile.
5 Mni a ni yiɛ je ma hin?
Ŋgi ki tia?
Ni lam n to ni na kuraa ŋga hin?
Ŋu na mbe niyɛ wru mbe taa,
ni ŋmaashɔfun na ni Nyiɛkpɔɔ,
ŋu mbe na kaan mɛɛ.