David mɛɛ ŋga wra kɔ.
41
Ŋmba u foorofun jawachichie ni kre, u wo yi dwamu,
o Tafun Nyiɛkpɔɔ we ufun shɔ
ble sisaa nu.
2 Mbe ufun wre le,
mbe u ŋga ŋmaa,
mbe u dwan tra ŋga na,
a wa u wɔ mbe le u loŋgo
ŋmba u u chaa wre kɛɛ.
3 Na u yaa mu sni,
o Tafun Nyiɛkpɔɔ wre we u le,
mbe u ŋga faŋga.
4 Mi ni yo na,
o Tafun ni fooro le mu ni tra,
ŋgi na hin? Ni mu pe sisaa.
5 Ni loŋgo kee sisaa kra na ni ni,
na yuu na, ŋgi ble we ku
mbe u mɛɛ fun wo?
6 Na pe pan mu ni le,
mbe pe sɛ na kala fnɛ,
mbra kee nyjɛ pe n nya ni na yuu,
leele pan mbra tro.
7 Mblɛ pe ni pra
pre ni kee juu na yuu peyɛ pan,
na ni kra kefɔɔn ni,
8 na yuu na,
“U yira kre sheli, wa yiri.”
9 Hali ni nunu ŋmba na ni kaan,
a mi na wre na chaa na lii.
Wre yiri mu ni taan.
10 Ŋu ni Tafun Nyiɛkpɔɔ,
ni fooro le, mu ni ŋga faŋga,
mbe ni ni loŋgoolo fɔlɔ tɔ.
11 Ni chin na mu yiɛshɔ ni na,
Ŋgi na hin?
Ma ti ni loŋgoolo peyɛ li ni na.
12 Ni chin na mu ni shɔ. Ŋgi na hin?
Kee ŋga ki fraka ni pini,
a mu ti mbe ni yire mu yiɛ gbiŋmbi
nyjila kro nu.
13 O Tafun Nyiɛkpɔɔ,
ŋu wi Israel leele Nyiɛkpɔɔ wre,
mu wo yi mɛɛ aŋga na blenyini,
Ami.