David mɛɛ ŋga wra kɔ.
29
O Tafun Nyiɛkpɔɔ biile,mblɛ ee wa nyjeeri kre,
e u ŋga mɛɛ, e u yɛnyiŋge
na u jaŋga kre ŋga mɛɛ.
2 E o Tafun mɛɛ kre ŋga yɛnyiŋge,
e lɛɛlɛ u yiɛ e u sumi,
u sumindoo cheche kre nu,
e eyɛ gbeele, e eyɛ pe cheche.
3 O Tafun Jaŋgafun Nyiɛkpɔɔ wre
mana tini epo nu.
Yɛnyiŋge Nyiɛkpɔɔ wre mana tini
na nyiɛtwanraa yi,
a pra ki ndru kro poŋgo
epo yiɛ na.
4 Na o Tafun Nyiɛkpɔɔ Jaŋgafun
wre paara, jaŋgaa wa ki nu.
A pe u mana ndru lawee kro nu.
5 O Tafun Nyiɛkpɔɔ wre mana
ja na cedar tinyi kuari na woni,
hali Lebanon cedar tinyi kro.
6 Wre u fuuru
mbe Lebanon nyuɛ
na yeni na nabiile lɛ.
Wre u tia nyua Hermon gedeŋge kre
na yeni, na nyaalam nabiile lɛ.
7 Na Nyiɛkpɔɔ mana tin,
mbe kanhun na nyini.
8 O Tafun Nyiɛkpɔɔ Jaŋgafun wre,
u mana tini mbe fimi lawee
yire na seeri,
mu tia Kedesh fimi tra kre
na seeri.
9 Na o Tafun Nyiɛkpɔɔ Jaŋgafun
wre mana yili
mbe tinyi badɛnyi na teele,
mbe klɔ tinyi wrɛ na woni,
mbe mblɛ pee wa
u Suminyuŋgo
pre na gble leni,
mbra yuu na,
Nyiɛkpɔɔ wo yi yɛnyiŋge.
10 Ŋga nyumu na tra yiɛ tɔ kre,
na o Tafun wre u ŋunumu lii
nyjila kro nu.
11 O Tafun wre
we u leele ŋga faŋga,
mbe pe dwan
mbe pe wejinyiŋge ta.