David mɛɛ ŋga wra kɔ.
26
O Tafun Nyiɛkpɔɔ, ni kpra kun,ŋgi na hin? Kpra ni ni nyaari.
A ŋga ni ni yiɛ taa mu na kre na,
ni n mbulɔ.
2 Ni Tafun Nyiɛkpɔɔ,
ni lam le, mu ni pe mu le.
Ni kooloe nyjɛ na ni tro le,
mu ni jawala le,
3 Ŋgi na hin?
Mu koroo na ni yiɛ nyi,
a ndaa nyaari mu kolo na.
4 Mi na leele fanafɛɛnlɛ
na chaa mbe nyaari,
a mi na yiɛnyumufɛɛnlɛ
na jina to.
5 Ni sisampefɛɛnlɛ fnindoo
tnɛɛ fun,
a mi na sisampefɛɛnlɛ wa chaa
mbe tni.
6 O Tafun Nyiɛkpɔɔ, ni ni kɛnyi je,
a ki nyina na ni n sisam ka pimi li,
na mu sumi
mu sragbunu kre jaara.
7 Ni mɛɛ kɔ mu mu ŋga mboo,
mu mu kawako kee
nyjɛ mu pe yire kee yo.
8 O Tafun Nyiɛkpɔɔ, ni mu katoo
ŋga nu mu nyi kre kori,
kre lawee kre nu mu yɛnyiŋge nyi.
9 Maa shia mi na sisampefɛɛnlɛ
pre chaa mbe kla,
ndee mbe ni chaa kla nyimi
knanwofɛɛnlɛ pre ni.
10 Pre pe sisam pini nyjila kro nu,
na yirɛ shio leele pan
dɔlɔɔ kolo na.
11 Mi rɛ, ŋga ki fraka ni pini,
ni fooro le, mu ni shɔ.
12 Ni yire haa ta,
a ni n na yaka fiɛ,
ki tia mu leele fnindoo nu,
mbe mu ŋga mɛɛ.