David mɛɛ ŋga wra kɔ.
24
Tra na yirɛ nyjɛ yii wa ki nu kro,o Tafun Nyiɛkpɔɔ wre wee yi.
Waŋgra leele mblɛ pee wa ki nu kro,
u wolo lɛ.
2 Wre wra tra gbeele,
mu tia epo na lɔɛ fɛ mu ki kun.
3 Ndro ŋmbi we jaa nduu,
mbe sɛ yire o Tafun wre yiɛ,
ndee mbe jaa sɛ yire,
u cheche ndoo wa hin?
4 Fɔna ŋmba kepele na u loloŋgo
ki pe chasi,
a u n na sɛɛn sumi
ndee na danyi wɛɛrɛ dani.
5 Wrefun o Tafun Nyiɛkpɔɔ
wre we dwan.
Wre, u ŋmaashɔfun Nyiɛkpɔɔ
wre we ti u fraka u yiɛ.
6 Pre leele pre lɛ mblɛ pe
Jacob Nyiɛkpɔɔ wre haa chaa,
na u yiɛ chaa mbe nya kre.
7 E krɔɛ yire nyaala.
E fafa krɔɛ yire kro nyaala,
mbe yɛnyiŋge ŋunu wre paan le.
8 Ndro ŋmbi wi yɛnyiŋge ŋunu
wre hin?
Wre wi o Tafun Nyiɛkpɔɔ,
Jaŋga na Faŋgafun wre,
o Tafun Nyiɛkpɔɔ ŋunɔ
jaŋgafun wre.
9 Krɔɛ yire, e yi nyaala.
Fafa krɔɛ yire, e yi nyaala,
mbe yɛnyiŋge ŋunu wre paan le.
10 Ŋmbi wi wre yɛnyiŋge ŋunu
wre hin?
O Tafun Nyiɛkpɔɔ Jaŋgafun
wre wi yɛnyiŋge ŋunu wre.