David mɛɛ ŋga wra kɔ.
23
O Tafun Nyiɛkpɔɔ wi ni lefun,yaka wa ni shian.
2 U tia ni sni na wuui
kahaa chichie nu,
mna nyaa fɔnyi nyi.
We sɛ na ni ni nyumu chichie lawee,
mbe ni sɛ gbɔ.
3 Wre u ni kaan faŋga fɔŋgɔ,
u mɛɛ kpɔɔ kre ndra na,
u tro na ni ni kooloe
nyjɛ yi fraka na.
4 Hali na ni tro nyua wee ŋga nu
wɔmu kprikpri nyi kuraa,
ni n na fiɛ. Ŋgi na hin?
Ŋu o Tafun Nyiɛkpɔɔ wa ni kro.
Mu kanyie, na mu van
yi ni kaanhaa na ni gbunyiŋge.
5 Ŋu mu sro tɛɛ ni pan
ni loŋgoolo yiɛ na,
mu simi kna mu wo ni ndra na,
mu tia ni gbɔyira nyi na woni.
6 Ni chin na mu chichie
na mu koroo we taa ni kro,
mbe sɛ su ni kumu ble.
A mu katoo mbe tni nyjila kro nu.