David mɛɛ ŋga wra kɔ.
20
O Tafun Nyiɛkpɔɔ wre u loo,mu pan mu katala nyjila nu.
Jacob Nyiɛkpɔɔ wre u mu le.
2 U yire u Suminyuŋgo,
ŋga kii wa Zion na kre nu,
mbe paan ya mu na.
3 O Tafun Nyiɛkpɔɔ
u mu sra wɔɔ yire sɔɔnri,
mbe u yiɛshɔ
mu yirɛ sroo sra yire na.
4 U mu ŋga yira ŋga,
ki tna mu loloŋgo pan,
mbe ti kee nyjɛ mu jawa,
kro nyu mbe mu ŋga.
5 Na ki waa pan ma,
o yiɛ we shɔ kpɔɔ,
mbe o flaŋgae yire nyjeeri,
mbe Nyiɛkpɔɔ wre ŋga mboo.
O Tafun Nyiɛkpɔɔ wre,
u kee ŋga mu tali kpan,
pe mbe mu ŋga.
6 Fuŋga ni chin na o Tafun
Nyiɛkpɔɔ wre yaa,
ŋunu ŋmba u wɔ wre na.
U tni u nyjeeri lawee,
ŋga ki pe cheche kre nu,
na ndru u pan,
mbe u jaŋga kre tɛɛ mbe u shɔ.
7 Plɛ danknaa wa pe sookɛɛ,
nyjɛ ni pe shie ŋunɔ,
a plɛ na kaan pe soolo na.
La, wre rɛ,
o Tafun Nyiɛkpɔɔ wre na o kaan.
8 Pre leele pre we gbro mbe to,
la, wre we yiri mbe yire,
mbe yire gbiŋmbi.
9 O Tafun Nyiɛkpɔɔ,
ti mbe ŋunu wi mbe yili,
na o mu yeeri mu ndru o pan.