David mɛɛ ŋga wra kɔ.
16
Nyiɛkpɔɔ ni ndra.Ŋgi na hin? Ŋu na ni kaan.
2 Ni yo na ŋu wi ni Tafun.
Na ŋu bɔkɔ,
ni n yira chichie ka ni haka na.
3 Nyiɛkpɔɔ mu leele
mblɛ pee wa tra na kre,
pre pe yɛnyiŋge taa,
a pre na ni yiɛ shɔ.
4 Mblɛ pe taari sɛɛnlɛ kro kre,
pe kanyana nɛɛ.
A mba sra wɔ
mbe pe sɛɛnlɛ yire ka ŋga,
a mba nyu nyaa kuraa
mbe yi mɛɛ yeeri.
5 O Tafun Nyiɛkpɔɔ wre,
wre wi ni yira kro,
ni aŋga na ni baŋga wi.
6 Yirɛ nyjɛ mu ni kaan kre,
yi kee kawako ni, yi nyu mu tro.
7 Mbe ni Tafun Nyiɛkpɔɔ
wre ŋga mɛɛ.
Ŋgi na hin?
U paara na ni nyina,
a na ble wɔ,
ni jawala paara ni pan.
8 Nyjila kro nu,
ni Nyiɛkpɔɔ nyaa ni jaara.
Uu wa ni kalie,
ki tia mba seeri.
9 Ki tia lɛɛ nyjii ni na,
a ni yiɛshɔ kpɔɔ,
kena mbe tni gbrumm.
10 Ŋgi na hin?
Ma ni nyiɛ ti kuulo ndoo,
a ma ti mbe mu sumifun cheche
wre fɔɔn wee.
11 Ŋu mu ni nyina
mu ŋmaa kolo kre,
a mu ti mbe ni yiɛshɔ mu jaara,
mbe ni ŋga blenyini yɛshɔɔrɔ
mu lawee.