David mɛɛ ŋga wra kɔ.
15
O Tafun Nyiɛkpɔɔ,ŋmbi we jaa le
mu Suminyuŋgo kre nu hin?
Ndee ŋmbi we jaa tni
mu nyua cheche kre na hin?
2 Ŋmba u tro kolo chiriri na,
mu na kee ŋga ki fraka pini,
na kpra yuu.
3 Lewo ŋmba wa kala baa
u ŋmbrɔ na,
a wa u ŋmbrɔ pe sisaa,
ndee ŋmba wa u tnifun mɛɛ kla,
4 a u lewo ŋmba u Nyiɛkpɔɔ je
wre fun,
la, mblɛ pe Nyiɛkpɔɔ fiɛ kre,
u pe kaan buuro,
a na u u nyu yo imi na ki nyi kpan,
wa laa ki kro.
5 A na u lewo jin swa,
wa nyumu le ki nu,
a wa dɔlɔɔ yira shɔ
mbe kpra kna mbe juule.
Lewo ŋmba u yire kee nyjɛ pini kre,
yaka wa jaa u kɔ u yirehaa.