David mɛɛ ŋga wra kɔ.
14
Daŋgoolo pe yuu peyɛ panmbo, “Nyiɛkpɔɔ n wa.”
Pe kro kepele n nyu,
afunyi kee bribri pe pini.
Wa n wa na kee chiriri pini.
2 O Tafun Nyiɛkpɔɔ
wre yire nyjeeri,
na lewo na nyjuro le,
na aada we lewo kachiŋu,
ŋmba u wre Nyiɛkpɔɔ haa
chaa nya.
3 Pe kro fun,
wa n wa mu nyu pe nu.
Wa n wa na kee chichie pini,
hali ndro nunu chom kuraa n wa.
4 Kena sisampefɛɛnlɛ,
mblɛ pe ni leele kaa,
na kaara yi kre,
a pe n na mi Nyiɛkpɔɔ tali yaka kre,
pe n jawala ni ra?
5 Pre fiɛrɛ kpɔɔ we yii,
ŋgi na hin?
Nyiɛkpɔɔ leele mblɛ pe fraka pre,
uu wa pe lalaa nyjila kro nu.
6 Sisampefɛɛnlɛ yire,
e foorofɛɛnlɛ kee
nyjɛ pe jawa kro kna na juule,
la, o Tafun Nyiɛkpɔɔ
wre wi pe fɛnkaarifun.
7 Ŋmbi we yiri na Israel leele
ŋmaashɔmu ni Zion na
mbe paan pe ŋga hin?
Na Israel leele pre waa o Tafun
Nyiɛkpɔɔ dwamu nya na kre,
pe yiɛ we shɔ mbe tro.