David mɛɛ ŋga wra kɔ.
13
O Tafun Nyiɛkpɔɔ,nyjila ŋgi nu mu ni fɛɛ,
mbe sɛ su hin?
Mbe sɛ su nyjila kro nu ree?
Nyjila ŋgi nu mu yiɛ wɔ ni na
mbe sɛ su hin?
2 Ni frɔ ta kanyana nu,
mbe sɛ su nyjila ŋgi nu hin?
Blenyini ŋga ni fooro lii
ni loloŋgo nu.
Nyjila ŋgi nu,
ni loŋgoolo we peyɛ li ni na,
mbe sɛ su hin?
3 Ni Tafun Nyiɛkpɔɔ jande,
ni le mu shɔ ni pan,
ni ŋga faŋga mbe mba ku,
4 na kre ma, ni loŋgo we yo na,
“Ni u ta.” A na ni to,
ni loŋgo yiɛ we shɔ.
5 La, ni kaan mu koroo kpɔɔ kre na.
Mu ŋmaashɔmu kre nu
ni yiɛ we shɔ.
6 Mbe mɛɛ kɔ,
mbe o Tafun Nyiɛkpɔɔ wre ŋga.
Ŋgi na hin? U nyu ni na.