David mɛɛ ŋga wra kɔ.
12
O Tafun Nyiɛkpɔɔ jande ya o na,ŋgi na hin?
Nyiɛkpɔɔ chinfɛɛnlɛ pre koo,
a kprafɛɛnlɛ pre nɔɔ
na fɔɔn leweele nu.
2 Leele kro kala fnɛ
pe tnifɛɛnlɛ pan,
nyutnamu na jawala shiin shiin ni
pe paara.
3 O Tafun, nyutnamfɛɛnlɛ pre,
na kekpɔɛ yofɛɛnlɛ pre wɔ wa,
4 pre pe yuu na,
“O ndile ni o nyjɛ o chaa taa,
kena ŋga o chaa oo yo,
a ndro wa jaa o tɔ kolo.”
5 O Tafun Nyiɛkpɔɔ yo mbo,
Shianfɛɛnlɛ kaalɛɛ nyjɛ pe nyaa,
na jiɛn ŋga foorofɛɛnlɛ jiin
kre ndra na, mbe yiri mbe pe shɔ.
6 O Tafun Nyiɛkpɔɔ kee
nyjɛ u yuu yire,
yi pe dankna kee,
mu pe chasi na swanyiɛ ŋga pe nya,
gbee nununu kɔɔnashin
mu ki nɛɛrɛ wɔ ki nu yi.
7 O Tafun Nyiɛkpɔɔ jande,
o shɔ sisampefɛɛnlɛ mblɛ na,
mu yila mu kɛ tɔ o na
nyjila kro nu pre kɛɛ.
8 O Tafun Nyiɛkpɔɔ
sisampefɛɛnlɛ pre o tunu na tro,
a leele na pe sisam kee
nyjɛ pe pini yire pini.