David mɛɛ ŋga wra kɔ.
11
O Tafun Nyiɛkpɔɔ wi ni fɛnkaarifun,mni a e na yuu ni pan na,
ni yiri nyjeeri na hanyini wi,
mbe sɛ ndra nyua na hin?
2 Le sisampefun u bɛŋɛ kru,
mu ndra wɔmu nu,
mbe ŋmba u fraka kre wa na ki ni.
3 Na kee kro kla mu kɔ,
yira ŋgi lewo ŋmba u fraka,
we jaa pe na hin?
4 O Tafun Nyiɛkpɔɔ wa,
u Suminyuŋgo cheche kre nu,
a u tnihaa wa nyjeeri,
na u leele dɔɔtaa lawee kro nu,
ki tia kee nyjɛ leele pini kro
u yi nyaa.
5 Nyiɛkpɔɔ chichie pefun,
na sisampefun kro pini na le,
la, ŋmba u n na lii u mbra yire na
wre rɛ, u wre fun titi.
6 We kanhun muŋgo kna,
mbe wo sisampefɛɛnlɛ na.
Kanhun na pua tuwe chaara,
na fuflɛ ŋga ki sroi,
we tɛɛ mbe pe ndie tini.
7 O Tafun Nyiɛkpɔɔ fraka,
ki tia u kpra kori,
a mblɛ pie fraka,
pre we u yiɛ nya.