David mɛɛ ŋga wra kɔ.
8
O Tafun Nyiɛkpɔɔ,ŋu wi o Tafun,
mu mɛɛ kpɔɔ tra ŋga kro nu,
a na o yiɛ wa mu le nyjeeri,
o mu yɛnyiŋge nya.
2 Mu biile na bifimble kro nyina,
a pra mu kaan mɛɛ.
Ki tia mu loŋgoolo,
na mblɛ pe mu nyu kaanri
pre kro nyu ku.
3 Na ni yiɛ wa mu nyiɛ yiɛ le,
mu mu kɛ nyu tnumu yire le,
mu nyiɛpɔ na wɔɛlɛɛ nyjɛ mu pe,
mu yi kan kan yi lawee nu
kre nya kre,
4 lewo wi ŋmbi,
a mna u kee jawa ma hin?
Lewo na nyjuro wi ŋmbi kuraa,
a u kee mu shian ma hin?
5 Mu lewo pe a ki kro chiɛri,
mbe wra mu wru,
mu u ŋga yɛnyiŋge na buuro.
6 Mu tia wra ŋunumu lii,
yirɛ nyjɛ mu gbeele kro na,
mu yira kro le u jaara.
7 Katoo yurɛ, na nyaa yurɛ kro,
na hanyiɛlɛ,
8 na mbroe, na yurɛ mblɛ pee wa,
nyumu nu kro ni.
9 O Tafun Nyiɛkpɔɔ, ŋu wi o Tafun,
mu mɛɛ kpɔɔ tra ŋga kro nu.