Mɛɛ ŋga David na gbun juru ni.
6
O Tafun Nyiɛkpɔɔ maa krɔkuɔn tɛɛ,mbe ni yiɛ kee yo ni pan,
a maa krɔ sisaa tɛɛ
mbe ni ndie tini.
2 O Tafun ni fooro le.
Ŋgi na hin? Ni faŋga kɔ.
Ni Tafun ni tra. Ŋgi na hin?
Faŋga n wa ni kajle nu na.
3 Fooro ni yii.
O Tafun Nyiɛkpɔɔ ni mu shie,
mbe sɛ su nyjila ŋgi nu hin?
4 O Tafun Nyiɛkpɔɔ ndru mu pan
mu ni shɔ,
mu koroo kre saara na ni shɔ.
5 Na ndro ku mu kɔ,
wra mu kee nyjɛ mu pe
yire sɔɔnri,
mbe yire yi na,
mbe mu ŋga mɛɛ.
6 Ni jiin chiin mu fna,
ble ŋga kie wɔ kpan
nyɛnɛɛ wa ni ti,
yotunyi ni dɛŋglɛ nyiŋge.
7 Nyɛnɛɛ tia ni nyiɛlɛ tintin,
ki tia ni n na nyaa chiriri,
ni loŋgoolo ndra na.
8 Sisampefɛɛnlɛ e laa ni na e sɛ,
ŋgi na hin?
O Tafun Nyiɛkpɔɔ ni nyɛnɛɛ loo.
9 O Tafun Nyiɛkpɔɔ wre ni talaa loo
mbe ya ni na.
10 Ni loŋgoolo kro nyifɛɛrɛ
we pe gbo,
mbe pe kɛ taa nyu na mbra le,
mbe ndru kro na nyifɛɛrɛ ni
mbe sɛ.