Mɛɛ ŋga David na gbun na bnɔɛ ni.
5
O Tafun ndie tɛɛ ni kee nyjɛ ni yuu,na ni fooro jiɛn kro na.
2 Ŋu wi ni ŋunu, na ni Nyiɛkpɔɔ,
kena jande ni nyɛnɛɛ loo.
Ŋgi na hin?
Ŋu ni nyiɛtali na yeeri.
3 O Tafun Nyiɛkpɔɔ,
mu ni mana loo bnimi,
kre nyjila kre nu,
mbe ni kee wa mu yiɛ,
mbe mu shie.
4 Mu n pe Nyiɛkpɔɔ
ŋmba mu sisam chaa,
ki tia ŋu na sisampefun,
wa jaa tni.
5 Leele mblɛ pe peyɛ kpɔɔri pre,
pia jaa yire mu yiɛ,
a mblɛ pe sisam pini kro
mu pe fun.
6 Mblɛ pe kala fnɛ pre,
mu pe kla.
O Tafun Nyiɛkpɔɔ,
mu nyimi knanwofɛɛnlɛ,
na leele fanafɛɛnlɛ kro fun.
7 La, mi rɛ,
mbe yire mu dumiɛ na,
mbe pan mu katoo,
mbe paan kosie kan,
mbe mu sumi
mu Suminyuŋgo cheche wa.
8 O Tafun Nyiɛkpɔɔ,
ni loŋgoolo nɛɛ,
kena ni nyina ŋga mu chaa,
mu ni nyina mu kolo chasi,
mbe ni tro ki na.
9 Ŋgi na hin?
Kpra kee n wa pe nyuu,
jiɛnlɛ kee bribri yii wa pe lam,
pe nyu kayolo ndio
na pe gboo faŋga nyaa,
a pe ndile ni pe leele fana.
10 Nyiɛkpɔɔ, pe gbun pimi ni.
Ti mbe kee nyjɛ pe jawa
mbe plɛ pe yire,
kna mbe pe dɔɔya.
Pe sisam tataara
nyjɛ pe pini yire ndra na,
pe gbun mu nyina.
Ŋgi na hin?
Ŋu pe yiri mu taan.
11 La, ti mbe mblɛ pe feni,
na paan mu jaara pre yiɛshɔ,
mbe pe yɛshɔɔrɔ mɛɛ kɔ.
Jande kɛ tɔ mblɛ pe mu kori pre na,
ŋu ndra na pe yɛshɔɔrɔ kpɔɔ ta.
12 Ŋu o Tafun Nyiɛkpɔɔ,
mu mblɛ pe fraka pre dwan,
mu na kɛ toni pe na.