Mɛɛ ŋga David na juru tɛɛ mu gbun.
4
Ni Nyiɛkpɔɔ,na ni nyɛni mu mu yeeri,
loo ni pan,
Ndaa kala nyaa, a mna ni shɔ.
Ni fooro le, mu ni talaa loo.
2 Nyjila ŋgi nu yire leele mblɛ nyini,
we ni yɛnyiŋge
kre kaari nyifɛɛrɛ yira,
mbe sɛ su hin?
E yirɛ wɛɛ kori, mu taa kafinɛ kro,
ŋgi ble ee laa yire kee
yire kro wo?
3 E le, o Tafun Nyiɛkpɔɔ
mblɛ pe fraka pre wɔ,
mu pe pe u wolo.
Na ni nyɛni mu u yeeri,
u ndru ni pan.
4 Na mu krɔ kun maa shia sisaa pe,
sni mu kee kre jawa dɛŋglɛ na.
5 Ta sra ŋga ki nyu woni,
mu muyɛ wru mu taa,
o Tafun Nyiɛkpɔɔ wre na.
6 Leele tataara yuu na,
“Ŋmbi we ti
mbe o chichie nya hin?”
O Tafun jande
yiɛ nyaa mu o le.
7 Yɛshɔɔrɔ ŋga mu le
ni lolonyi nu kre,
ki wɛ pe shɔlɔ
na pe simi gbɔ wee tataara,
nyjɛ pe ta na.
8 Wejinyiŋge nu mbe sɛ sni,
a mbe sni mbe ŋnu,
a ŋu ni Tafun Nyiɛkpɔɔ,
ŋu mu ni le na kɛ toni ni na.