Mɛɛ ŋga David na kɔ nyjila ŋga wra fɛ mu shɔ u biblɔ Absalom kɛɛ.
3
O Tafun Nyiɛkpɔɔ,le imi na mblɛ pe tia ndaa kala nyaa,
pre nɛɛ mu da.
Leele mblɛ pe yiri mu ni taan pre,
pe nɛɛ mu tro.
2 Pe tataara yuu ni pan mbo,
“Nyiɛkpɔɔ wa u shɔ.”
3 La, ŋu ni Tafun Nyiɛkpɔɔ,
ŋu mu kɛ toni ni na,
ŋu mu tia ni ja na ndra yire nyjeeri,
a ni yulɔ yili.
4 Ni nyɛni kpɔɔ mu mu yeeri,
a mu yire mu nyua cheche kre na,
mu shɔ ni pan.
5 Ni lɛɛlɛ mu sni mu ŋnu,
ŋga ni nyi kre,
na o Tafun wre kɛɛ wa ni na.
6 Loŋgoolo kagbenyi kɛ
mblɛ pe fɛ mu ni kun,
mbe wi na ni ni ŋga krɛrɛ,
ni n na pe fiɛ.
7 O Tafun Nyiɛkpɔɔ yiri ɛ!
Ni Nyiɛkpɔɔ ni shɔ.
Ni loŋgoolo pre gbekɛɛn kajle
gbun mu pile,
pre sisampefɛɛnlɛ pre,
ŋgaala gbun mu kuari.
8 O Tafun Nyiɛkpɔɔ
mu wo yi ŋmaashɔmu,
jande ti mbe mu leele dwamu ta.