Mɛɛ Hlɛ
HLƐ JLE WO
(Mɛɛ Hlɛ 1–41)
Lewo Ŋmba U Fraka Na Sisampefun
1
Lewo ŋmba wa nyaari,na sisampefɛɛnlɛ ni,
a wa tro pe trohaa,
a wa tni pe tnihaa kre,
u wo yi dwamu.
2 Na u tia o Tafun Nyiɛkpɔɔ mbra
yire u yiɛ nyi,
a wra yi jawa lafo na blee kre,
3 pan we pe na tiŋge
ŋga ki yire lɔɔ mbɛɛ na,
na sɛni ki nyjila nu yi,
a ki wrɛ wa jaa nyaara,
a yira ŋga u pini kro we nyu
mbe u ŋga.
4 La, sisampefun rɛ,
pan ma wre nyi.
Pan u nyi na yirɛ fue,
nyjɛ fuflɛ wru na shie yi.
5 Kena sisampefun wa yire haa ta,
kpra kun ble kre nu,
a wre na mblɛ pe fraka pre,
wa chaa mbe tni.
6 Ŋgi na hin?
O Tafun Nyiɛkpɔɔ wre,
u mblɛ pe fraka pre le
kooloe nyjɛ na pe troi na,
la, kooloe nyjɛ na sisampefɛɛnlɛ
troi kre,
we yi kla.