Nyiɛkpɔɔ Paaraa
40
A O Tafun Nyiɛkpɔɔ na yo Job pan mbo,2 “Lewo ŋmba u kala lii,
na Nyiɛkpɔɔ ni kre,
we jaa wre Nyiɛkpɔɔ fraka ree?
Kena ni nyu wɔ ɛ?”
3 A Job na kna mu Nyiɛkpɔɔ nyu wɔ mbo,
4 “Ni n fna mbe jaa mu nyu wɔ,
kɛ ni taa nyu na, na mu le.
5 Ni paara gbee nunu,
a ni n ja mu mu kee nyu wɔ,
a ni shiinwo ya, pan yi na,
kena mba ka ya na.”
6 A O Tafun Nyiɛkpɔɔ na yire nyiɛ fuflɛ nu mna paara Job pan, mbo,
7 “Grere, mu yiri,
mu yire na blɔ wi,
mbe ni mu wie kala,
mbe mu ni nyu wɔ.
8 Kena mu ni kpra lie le fiɛn ree?
Na chaa mbe yo na mi wo pin,
a la, ŋu wo ki tna.
9 Mu jaŋga da,
na mi Nyiɛkpɔɔ wo ni ra?
Pan ni mana tini,
na nyiɛtwanraa yi,
mu jaa fuu,
mbe ki tiŋge da ma ra?
10 Na mu ki ja, kena muyɛ kna,
mu yɛnyiŋge ta, mna chiɛnri,
mu muyɛ ŋga buuro kpɔɔ,
mbe ni le.
11 Mbe mu mu krɔkuɔn kpɔɔ,
kre wɔ fimi na,
mu yɛkpɔɔmufɛɛnlɛ,
pre tre tra mbe ni le,
12 yiɛ kna,
mu yɛkpɔɔmufɛɛnlɛ pre le,
mu ti mbe pe peyɛ nyjii,
mbe mu sisampefɛɛnlɛ pre kla,
lawee ŋga nu,
pe nyi kro nu mbe ni le.
13 Kena mu pe chaa mbe le tra,
pe yiɛ pɔ mu tɔ tɔ,
mu pe le faŋga nu.
14 Kre mi titi we shɔ mbe li na,
mu jaŋga kre tia mu ka pe.
15 Yurɔ kpɔɔ waa wa,
u mɛɛ behemoth,
mi ndaa u wa na ŋu wi,
a wra nyaa kaa na nuu wi.
16 Le faŋga ŋga kii wa u sɛlɛ nu,
na mu u lɛɛ kaara le,
imi na faŋgaa wa ki nu.
17 A u naa fraka na cedar tiŋge yi,
a u jekpɔɛ kaprɛ pe na,
pe yi tin mu mbra.
18 A u kajle pe na,
swafre poponyi yi,
a u jele sheli na tɔɔnrɔ yi.
19 Yirɛ nyjɛ Nyiɛkpɔɔ pe yire kro,
u kpɔɔ mu wɛ yi na kro,
a mi Nyiɛkpɔɔ ŋmba wi,
u gbeelefun wre
chiin mbe u ja.
20 Nyambie na u kaa,
mbe nyaalam yurɛ na pna,
mbra tro u mbɛɛ na.
21 Wuuro tinyi jaara u sni,
na ndrai braŋgɔ didinyi nu,
mafaan lawee.
22 Na u le wa, mbe tinyi,
yire nyimi wo u na,
mbe tinyi bɛɛlɛ nyjɛ yii wa,
lafolo mbɛɛ na kre,
u fɛ mbe kun.
23 Na lɔɔ nyi kuraa,
u gbun na yɔ u na,
Hali na Jordan lɔɔ nyumu fuu,
pɔɔrɔ ni na woni u yiɛ na,
kuraa, u kee ka ma.
24 Na u yire na le,
ŋmbi we jaa u yii hin?
Ndee mbe u pɛɛri,
mbe u ta mbe yii,
yira ni mana hin?