Elihu Paaraa
33
Job, fuŋga rɛ, ndie tɛɛ mu loo,ndie tɛɛ mu kee,
nyjɛ mbe yo kro loo.
2 Ni paan mbe nyu nyaa,
ni kee kro wa ni ndile nyu na.
3 Loloŋgo ŋga ki fraka nu,
kee yire we yili,
kpra ni mbe kee ŋga,
ni chin yo.
4 Nyiɛkpɔɔ ŋumu u ni gbeele.
Jaŋgafun wre u ni ŋga ŋmaa.
5 Kena na mu ja,
na ni paara mu ni nyu wɔ,
muyɛ kna mbe mi na ŋu fni.
6 Pan ni nyi,
na ŋu wi Nyiɛkpɔɔ yiɛ,
Mi chɔɔ, choo ni wra ni faanri,
na ŋu wi na.
7 Kena maa ti mbe ni kee pe,
mu pan fiɛrɛ ni,
ni kɛ n wɛ mu na kolo ka na.
8 La, ni loo, mna yuu na,
9 mu pe chasi,
a sisam ka n wa mu na,
a nɛɛrɛ ka n wa mu na,
a mu n pimi li.
10 A nde Nyiɛkpɔɔ je,
mu punɔɔ kee ka ta,
na yuu mu na,
mu na mu jawa u loŋgo.
11 U sɛɛrɛ le mu jeelee na,
mu na mu kooloe,
nyjɛ na mu tro yire dɔɔ taa.
12 La, ti mbe ni yo mu pan na,
kee ŋga mu pe kre n nyu,
ŋgi na hin? Nyiɛkpɔɔ kpɔɔ,
mu wɛ lewo na.
13 Ŋgi ki tia,
mna taanri Nyiɛkpɔɔ na,
na u n na lewo kee,
nyu woni hin?
14 Nyiɛkpɔɔ troi kooloe tataara,
na na paara,
a la, o na ndie tɛɛ,
kee nyjɛ u yuu yire na.
15 U paara ŋunɛ nu,
na tii mbe pe u nya,
nyiɛlɛ na ndroo,
nyjila ŋga ni ŋunumu we leele yii,
mbe pra ŋunu pe dɛŋglɛ na kre.
16 We paara mbe pe loo,
mbe pe jaari,
mbe fiɛrɛ kpɔɔ pe yii,
17 mbe ki ti lewo laa,
u sisam pee kro,
mbe laa u kpɔɔmu kee kro,
18 mbe u ŋmaa shɔ mbe yili wee,
mbe u shɔ brɔfiɛŋunu klaa kɛɛ,
19 ndee mbe lewo gbun,
mbe chan u dɛŋglɛ na,
mbe wra kala kpɔɔ nyaa,
kajle nu.
20 Hali mbe u nyu wa tna u na,
mbe sro ŋga ki tna,
u pan titi kee u bin.
21 U wejikaara we kɔ u na,
a u kajle nyjɛ kaara,
na tɔ yire krɛrɛ,
we chɔɔn mbra nyaa.
22 Mbe u nyiɛ flo,
mbe da faŋga nyu na,
mbe kumu na u yeeri.
23 Na u da kre nyjila kre na,
aada we Nyiɛkpɔɔ,
nyjeeri bitumblɔ tataara,
pre nunu ta,
mbe u tali mbe u ŋga,
mbe u nyina kee,
ŋga ki fna u pe,
24 mbe u fooro le,
mbe yo mbo,
‘Nyiɛkpɔɔ jande u shɔ,
mbe wa le faŋga kre nu,
ni u ndra lɔ.’
25 Na ki pan ma,
we ndru mbe wejikaara,
fɔŋgɔ ta na pɔ wi,
mbe ndru mbe pe na,
u yirifum nyjila kre yi.
26 Na u nyiɛtali,
mu Nyiɛkpɔɔ yeeri,
we nyu u na,
a we Nyiɛkpɔɔ sumi,
na yɛshɔɔrɔ ni.
Ŋgi na hin?
Nyiɛkpɔɔ ndru mu u fraka,
na jle kre yi.
27 Na ki pan ma,
we na yuu leele pan mbo,
‘Ndaa sisaa pe,
mna kpra kolo wa,
la, ni n le,
kee ŋga kie na ni nya nu.’
28 Nyiɛkpɔɔ na ni nyiɛ wɔ,
mu yili faŋga ŋga nu,
mbe na le kre nu,
mbe ki ti ni ŋmaa li,
mbe nyisee nya.
29 Nyiɛkpɔɔ yire kee nyjɛ pini,
nyjila kro nu na lewo kaan,
30 mbe u nyiɛ wɔ mbe yili wee,
mbe ki ti u ŋmaa ta,
mbe nyisee nya.
31 Job, ndie tɛɛ mu loo ni pan,
pieri komm mbe ni paara.
32 Na kee wa mu pan mbe mu yo,
na ni kɔ, mbe mu ni nyu wɔ,
ni chaa mbe mu pe chasi.
33 La, na pan ma naa,
kena ndie tɛɛ ni pan,
mu pieri komm,
mbe ni mu nyina kachindɛ.”