Bildad Paaraa Gbee Taarɛ Wo
25
A Bildad Shuah ndro wre na paara mna yo mbo,2 “Nyiɛkpɔɔ wi jaŋgafun,
a wre ki fna mbe o fiɛ titi,
Ŋgi na hin?
Wre u ŋunumu lii nyjeeri.
3 A ndro wa jaa,
u sumifɛɛnlɛ tɔɔnri,
A kre lawee n wa,
a u nyisee n na nyaa wa.
4 Kena mni lewo na nyjuro,
we pe mbe fraka,
ndee mbe pe chasi,
Nyiɛkpɔɔ yiɛ hin?
5 Nyiɛpɔ, na wɔɛlɛɛ kuraa,
n na nyaa chasi u pan kre,
6 kena lewo na nyjuro,
ŋmba u n pe yaka yira,
mu pe na fiɛn wi,
ndee mu pe na dɔŋgɔ wi ŋga,
mni we pe,
mbe pe chasi u pan hin?”