Eliphaz Paara Taarɛ Wo
22
A Eliphaz Teman ndro wre na kna mbo,2 “Tnu ŋgi kii wa lewo nu,
mu Nyiɛkpɔɔ ŋga hin?
Kena kachiŋu kee,
we jaa pe tnu ni u pan ra?
3 Na mu fraka,
yɛshɔɔrɔ ŋgi Nyiɛkpɔɔ,
Jaŋgafun wre we ta hin?
a na kala n wa mu na,
mbe pe ta mbe yo,
tnu ŋgi we ta hin?
4 Mu jawa na ŋga mu,
Nyiɛkpɔɔ sumi chiriri,
kre na u yila na mu yiɛ kee,
yuu mu pan na kala taari,
mu na ŋga ree?
5 Pan ma ki nyi,
ŋga mu sisam nɛɛ,
a ma jaa yi pee ti kre ki tia.
6 Mu fɔlɔ ŋga mu lɛ,
na mu lo biile li kre ndra na,
mu pe wejiyirɛ shɔ,
pe pan jaŋga na mu tɛɛ,
a pra tro wejinwaara.
7 A mblɛ pra fna,
na nyumu chaa mbe gbɔ kre,
mna je pe pan.
A mblɛ klo na ta kre,
mu nsra pe ŋga sro.
8 Kii wa na jaŋga,
naa wa mu pan,
a tra naa wa mu pan,
a mna tni ki na,
a praa mu kaan buuro.
9 Mna je lekuchiɛlɛ pan,
mna tia pra sɛ kɛ waara,
a mna bijile fiŋge,
mna tia pe kɛ na gblɛ.
10 Kre ki tia mɛnyi pɛɛlɛɛ,
mu fɛ mu kun,
mu tia fiɛrɛ kpɔɔ mu yii kre.
11 A ndramwɔɔ tia,
mu n na nyaa,
a nyumu pan mu mu tɔ,
mbe mu li kre.
12 Nyiɛkpɔɔ wa nyjeeri,
na wɔɛlɛɛ nyaa,
nyiɛ yiɛ na.
13 A nde mu yuu na,
‘Kee ŋgi Nyiɛkpɔɔ chin hin?
Ndramwɔɔ u tɔ,
kena mni we pe,
mbe jaa kpra kun hin?
14 Tloe u tɔ plimplim,
ki tia na u tro nyjeeri,
wa o nya.’
15 Kolo lɛɛ ŋga na,
sisampefɛɛnlɛ naa tro kre,
kre na e chaa,
mbe tro tɛ ra?
16 Pre leele pre nyjila nsra da,
a pra sɛ,
nyumu na pe fo mu sɛ,
a pe nɔɔ na fun.
17 Pre praa yuu Nyiɛkpɔɔ pan,
mbo, ‘Laa o na,
yira ŋgi Nyiɛkpɔɔ Jaŋgafun,
wre we jaa o pe hin?’
18 A nde Nyiɛkpɔɔ wre,
wra pe ŋga yirɛ chichiele,
a pe kalonyi na nyi.
Ki tia ni niyɛ laa,
sisampefɛɛnlɛ jawala,
nyjɛ pe kaan yire na,
mu na pe le.
19 Na frakafɛɛnlɛ
sisampefɛɛnlɛ klaa nya,
mbe pe yiɛshɔ,
mbe mblɛ na sisam ka n wa,
pre na pe tɛɛ mbra yuu mbo,
20 ‘Kpra na,
pe o loŋgoolo pre kla,
kanhun pe yɛtaara yirɛ,
yire kro sro.’
21 Job, muyɛ nyjii,
mu Nyiɛkpɔɔ ŋga,
mbe e tni wejinyiŋge nu,
kre kie ti mbe mu muyɛ ta.
22 Mu ndie tɛɛ u nyu kee na,
mu ti mbe u kee tni,
mu loloŋgo nu.
23 Na mna ndru mna pan,
Nyiɛkpɔɔ Jaŋgafun wre pan,
we na ti u kee kro
na ndru mbra nyu,
mbe mu ŋga.
Na mna sisam wɔ,
mna yili mu katoo,
24 mbra mu swanyiɛ yirɛ,
yire wa tablɔ,
mbra mu swanyiɛ,
ŋga nu pe nɛɛrɛ wɔ kre,
viŋge mbra wa lafolo ka nu,
25 mbra Nyiɛkpɔɔ Jaŋgafun,
wre wru mbra wɛ mu swanyiɛ,
na mu swafiŋge titi na.
26 Kre mu na yɛshɔɔrɔ ta u nu,
mbra yiɛ taa Nyiɛkpɔɔ,
wre chiin na.
27 Na ki pan ma,
a mu nyiɛtali mu u yeeri,
we loo mu pan,
mbe mu jaa li mu nyu,
ŋga mu yo u pan kre na.
28 A ŋga mu jawa,
mbe pe kro we pe,
a we ti mbe u yiɛ shɔ mu na.
29 Na ki pan na Nyiɛkpɔɔ,
yɛkpɔɔmufɛɛnlɛ plɛ trei tra,
a mu yo na, ‘Jande pe yire,’
we mblɛ u trei tra pre shɔ,
mbe pe yire.
30 A mblɛ pe pimi li kre,
we pe shɔ.
Ŋga nɛɛrɛ n wa mu na kre,
ndra na, we pe shɔ.”