Job Paaraa
16
A Job na Eliphaz nyu wɔ mbo,2 “Kalɛɛ nyjɛ mu yo ŋga,
ni da mu yi tataara loo,
na ndie ni.
E kro, ka e yaa ni kanyana na,
mu yo ni gbun e nyiŋgei.
3 Ŋgi ble e paaraa tataara,
nyjɛ nyu we to hin?
ndee, ŋgi ki e tɔɔra,
e na paara suwi ma wo?
4 Na e naa wa mu yire,
ni yire haa ŋga nu,
mi chɔɔ wra jaa paara,
na yire lɛ,
kaa kii yiɛyiɛ na,
mbe na kee ta,
mbra yo mbra e taan,
mbra ndra nyaara e na.
5 La, na e na yire,
ni yire haa ŋga nu,
mbe na paara,
mbra e le gbeŋmbaa,
mbra ti gbunyiŋge kee,
na yili ni nyuu,
mbe wejiŋge na nyjii e na.
6 Na ni paara o,
kre wa ka kun ni kanyana na,
na ni pieri o,
kre wa ti mbe ni,
kanyana kre nyu to.
7 Nyiɛkpɔɔ, mu tia ni fna waara,
mu ni katoo leele kro kla.
8 Mu ni pɔ mu tɛɛ,
a ni chɔɔn mu kro kajle bri,
a leele ni kanyana kre ta
dansiɛrɛ kee.
9 Nyiɛkpɔɔ krɔkuɔn tɛɛ,
mu ni wla kro,
a ki pe na ŋgaala,
u chirɛ ni na,
mu ni kaari u loŋgo,
mu nyiɛlɛ wɔ mu kan ni na.
10 Leele paara na ni taanla,
na ni yiɛ juari, na ni le fiɛn,
na nyu nunu wrui ni na.
11 Nyiɛkpɔɔ ni ti mu leele,
mblɛ pe n fraka ŋga,
mu tia ni to,
sisampefɛɛnlɛ kɛɛ.
12 Kee kro naa nyɔɔ,
na ni kaan,
la, wra ni dɔɔya.
A kra pe na Nyiɛkpɔɔ,
ni yii lagboe nu,
mu ni nyaara mu wo,
mu ni le nyini.
13 Kra pe na u ni waari
na snimi ni ni lawee kro nu,
a u n sra ni fooro le.
Mna ni yɔ,
a ni lɛɛ yirɛ na yili.
14 Nyiɛkpɔɔ kro mu na wii,
na ni ni,
na ŋunɔwifun ŋmba u wii,
pɔɔrɔ ni wi.
15 A fooro tia ni kumu yoŋgo,
fra mu tɔ,
mu tni bloŋgo nu,
na ndro ŋmba u wi mu to wi.
16 Nyɛnɛɛ tia ni nyiɛlɛ nyina,
mu tin tin poŋgo.
17 A nde ni n na kefuɛn,
na pɔɔrɔ kee pini,
a ni nyiɛtalaa fraka.
18 Na ni ku kuraa kre,
tra waa shia ni kpra,
ŋga na ni nyɛni kre tɔ.
19 Fuŋgaami ŋga,
ni dansiɛfun wre,
ŋmba we yo mbe ni ŋga
wre wa nyjeeri.
20 Ni nɔɔlɔ ni je,
kena Nyiɛkpɔɔ ŋmba,
ni tali wre wi ni nunu,
a wre ni nyɛni na yeeri.
21 Ndro ni chaa mbe u,
Nyiɛkpɔɔ tali ni pan,
imi na ndro yire na tali,
na u nunu kaan kre.
22 Ni yɛlɛ kro chiɛri ni yiɛ,
mbe ni ku,
mbe sɛ mna leele kro shie,
a praa ndru mbe pan na kre.