14
Lewo ŋmba chlɔ kunu mu se,u ble nyjɛ we li, yi n da yaka,
a kanyana bribri yi.
2 Pan u lee na toto yi,
kia mu mbe yua,
Pan u nyi na yira ndile yi,
fuŋgaami na mu ki cha mu la.
3 Kena wre ndro ŋmba nyini,
pe wre kee yiri mbe le lɛɛ,
mbe u kala li,
mbe u gbun pini ni ra?
4 Yaka n wa mbe jaa ti,
mbe lewo pe chasi,
kolo kro na.
5 Nyiɛkpɔɔ, mu lewo ble,
nyjɛ we li nyu gbun mu tɛɛ,
hali nyiɛpɔ nyjɛ we li,
mu yi nyu gbun mu tɛɛ,
a wa yi nyu tro.
6 Kena yiɛ laa lewo na,
mbe u yɛshɔɔrɔ li,
nyjila ŋga ni uu wa,
na tnumu kpakpaa tuni ŋga.
7 Tiŋge kuraa wa
na kaanhaa ni.
Na pe ki kun mu chan,
kie ndru mbe fun na,
a ki wrɛ fɔnyi wa ki bɔ.
8 Mu ki nya,
na ki didinyi ku,
a ki kaari didikolo,
9 la, na nyiɛ fiɛn waa pan,
mu wo ki na to,
mu nya na ki ŋɔɔ,
na yira ŋga pe luu fɔŋgɔ yi.
10 La, na lewo ŋu haŋa mu ku,
a pe u le, kena ki kɔ,
pia u nya na.
11 Imi na lɔɛ na taplɛ yuai,
mbe tra sni waara kre,
12 pan lewo kuu, a wa yiri na,
mbe hɛ su,
na yira kro nyu we to,
na u ku mu sni,
wa nyi na.
13 Na mu na ni ndra,
kuulo ndoo,
mbra ni tɔ mbe sɛ su,
na mu krɔ we nyjii,
mbe mna nyjila tɛɛ,
mbra ni sɔɔnri na.
14 Kena na lewo ku,
we jaa nyi na ŋgaa?
Ni tnumu shelee tun,
ble tataara nu,
mbe shie mbe sɛ su,
na ni kanyana nyu we to.
15 Mu ni yeeri,
mbe ni shɔ mu pan,
ŋu mu ni gbeele,
a ni la we mu ta.
16 Na ki pan ma,
mna mbe tro kro,
mu yiɛ we pe ni na,
la, ma ni sisam tɔɔnri na.
17 Mu ni sisam kro ti mbe ni kɛ,
mu yi le gbolo nu,
mu yi nyu tɔ,
mu yi viŋge mu wa.
18 Imi na nyua nɔɔ wɔɔri,
mbe ki to,
a dnɛ na klɔ yi titɛɛ kre,
19 imi na nyumu dnɛ lii,
mbe nyiɛ pan,
mbe tra fo mbe sɛ kre,
pan mu lewo dankna klai u nu.
20 Na mu jaŋga li ndro na,
a kumu u wru kre,
mu u yiɛ kumu chinɛ
mbe sɛ na u ni.
21 Na pe u biile ŋga,
buuro kuraa kre,
wa ki chin,
a na pe pe yiɛ le nyumu o,
wa ki nya.
22 Uyɛ kanyana chin u chin,
ŋga ki u yaa wejiŋge nu,
chiin u chin,
a u n kee ŋga ki wa da chin.”