5
Job, na mu chaa ndro yeeri,na u paan mu shɔ,
na mu ndro nya rɛ?
Nyjeeri bitumblɔ pre,
ŋmbi pan mu sɛ hin?
2 Yenyjam na nyibinyiɛ sisaa,
yire yie jijuo gbo.
3 Ni jijio nya ŋmba u yirehaa ta,
mu didinyi kan,
la, ki nsra mu,
a pra u katoo sun.
4 Na u biile kala ta kala li ndoo,
ndro wa yoo pe ŋga,
kee kre we pe li.
5 Lewo ŋmba klo ta kre,
we sɛ sro nyjɛ jijuom kun,
mu tɛɛ kre wru mbe li,
hali na wuuro nu yi nyi.
A ŋmba gbɔɔ ta kre,
yiɛ we nyina u krɔyirɛ na.
6 Sisam na yili tra mbe pan,
a kanyana na yili tra mbe pan.
7 Pe lewo se mu le kanyana nu,
pan ki nyi na kanhun,
fuuru na shie nyjeeri.
8 Job, na kra pe na mi wi ŋu,
mbe na fɛ mbra sɛ,
to Nyiɛkpɔɔ na,
mbra ni kee kro wa u yiɛ.
9 Wre u kawako kee piin,
mbe ndro wa ki nɔɔ loo,
u kekpɔɛ nyjɛ u pini,
ndro wa jaa yi tɔɔnri.
10 Wre u tia nyiɛ na paan,
na woni tra,
mbe nyumu seele,
yirɛ nyiŋge.
11 Wre u foorofun,
kaan kpɔɔmu lawee,
mu na mblɛ pe nyɛni,
teeri lawee chichie nu.
12 Wre u tii sisampefun,
kee na fɔɔn u ndra,
mbe kee ŋga u piin,
kro wa nyu.
13 Wre u tia kachimblɛ,
kachindɛ kooloe,
nyjɛ na pe tro yire,
na pini finfin,
a kee nyjɛ pe pini,
yire kro na piin waa.
14 Lafo na kuraa kre,
ndram woo pe yiɛ na,
lafo chrichri na,
mbe pra tali na blee yi.
15 Nyiɛkpɔɔ u shianfun shio
sisam pe fun nyu kee nu,
na u shio faŋgafun kɛɛ.
16 Mbe ki ti shianfun,
wre kaan haan ta,
mbe sisam pee nyu ku.
17 Ndro ŋmba Nyiɛkpɔɔ fraka,
wre wo yi dwamu,
kena na Nyiɛkpɔɔ,
Jaŋgafun wre mu fraka,
maa ki le kewaara.
18 Wre we klɛ wa mu na,
mbe ndruu ti mbe yi kɔ,
wre we ti yira mu gbun,
a wre we ndruu mu tra.
19 Wre we ti mbe kalɛɛ,
nyini nyini mu da,
mbe u ndruu mu shɔ,
mbe yili yi nu,
Imi nyini kanyana we kpɔɔ,
mbe da kpan,
wa ti mbe ki mu li.
20 Na klo to,
wa ti mbe klo mu gbo,
a na ŋunɔ kun,
wa ti mbe mu to ŋunɔ.
21 We mu shɔ mbe yili,
kabaara kee nu,
mbe mu shɔ yira
ŋga kie mu kla nu.
22 Na yira ŋga kie mu kla paan,
ndee na klo to,
tɛɛ mu na tɛɛ,
a ma yurɔ sisaa fiɛ,
tra ŋga nu.
23 Mu tra chiriri ŋga nu,
dnɛ n wa ta mbe fali,
mbe ŋu na nyaalam yurɛ,
tni nyu nunu ni.
24 Wejinyiŋge we pe mu katoo,
a mu mu kɛ yirɛ tɔɔnri,
ma ka cha mbe la.
25 Ŋu titi we nya,
na mu biile nɛɛ,
a mu nanae we pe,
na nyaa yi tra yiɛ na.
26 Mu ŋmaa we tnu,
a faŋga we pe mu nu,
mbe sɛ su mu kum ble.
27 Kee nyjɛ krɛrɛ,
o yi le chichie,
mu nya na kpra yi,
kena ndie tɛɛ yi na,
mbe ŋu titi yi tɛɛ,
mbe tnumu tun.”