Leele Mblɛ Praa Wa Mu Tni Jerusalem Na
11
Leele pre loplombo pre na tni Jerusalem na, a pe hamblɛ pre, na kɛɛn tɛɛ mna yire ki na mna wɔ leele nununu, na pe leele kɛ tɔɔnri, mbe pe ndro nunu wɔ mbe u sɛ tni Jerusalem kakpɔɔ cheche kre na, mbe leele kɔɔnanyjirɛ mblɛ pie kro pre sɛ tni pe chiɛ na. 2 Leele mblɛ pra peyɛ wɔ na pie tni Jerusalem na pre, pra pe dwan.3 Israel leele pre plɛ, na srawɔfɛɛnlɛ, na Levi leele pre, na Suminyuŋgo kre tnumu tunfɛɛnlɛ pre, na Ŋunu Solomon sumifɛɛnlɛ pre nanae pre naa wa mu tni pe chiɛ na Judah tra nu.
4 La, Judah, na Benjamin jlom loplombo pre plɛ naa wa mu tni Jerusalem na. Pe mblɛ pra yiri Judah jlom na pre mɛɛ yi kre, Uzziah biblɔ Athaiah, a u tolɛɛlɛ na lɛ Zechariah, na Amariah, na Shephatiah, na Mahalalel, na Perez pe kro tolɛɛ wre. 5 Baruch biblɔ Maaseiah, u tolɛɛlɛ na lɛ Col-Hozeh, na Hazaiah, na Adaiah, na Joiarib, na Zechariah, a Shelah nanae na lɛ. 6 Perez nanae mblɛ pra tni Jerusalem na naa lafɛɛ jijirɛ na fuloe taarɛ na kɔɔnatarɛ, a pra pe ŋunɔwifɛɛnlɛ titie.
7 Benjamin nanae mblɛ pra tni Jerusalem na pre na lɛ kre, Meshullam biblɔ Sallu, u tolɛɛlɛ na lɛ Joed, na Pedaiah, na Kolaiah, na Maaseiah, na Ithiel, na Jeshaiah, 8 a u leele na lɛ Gabbai, na Sallai, pe kro na pe leele lafɛɛ kɔɔnanyjirɛ na fulo na kɔɔnatarɛ. 9 A Zicri biblɔ Joel na wi pe yɛklo, a Hassenuah biblɔ Judah wre na wi lopom shiinwo kakpɔɔ kre na.
Srawɔfɛɛnlɛ Pre
10 Srawɔfɛɛnlɛ mblɛ pra tni Jerusalem na pre lɛ kre, Joiarib biblɔ Jedaiah, na Jakin, 11 na Hilkiah biblɔ Seraiah, u tolɛɛlɛ na lɛ Meshullam, na Zadok, na Meraioth, na Ahitub ŋmba wra da mu pe Srawɔfun lopom titi wre. 12 Pe wolo mblɛ praa yaa pe na, a praa tnumu tuni Suminyuŋgo wa pre naa lafɛɛ kɔɔnatarɛ na fulo na shiin. Pe plɛ na lɛ, Jeroham biblɔ Adaiah, u tolɛɛlɛ na lɛ Pelaliah, na Amzi, na Zechariah, na Pashhur, na Malkijah. 13 Pe sele wolo mblɛ pra ya pe na mna pe jlom loplombo pre naa lafɛɛ shiin na fuloe shiin na shiin, pe plɛ na lɛ, Azarel biblɔ Amashsai, u tolɛɛlɛ na lɛ Ahzai, na Meshillemoth, na Immer. 14 Pe kro na pe leele lafaa na fulo na kɔɔnatarɛ, a pe kro na pe wifɛɛnlɛ gbunfɛɛnlɛ pe jlom kre na, a pe lopom na wi Haggedolim biblɔ Zabdiel.
15 Levi leele pre tataara na tni Jerusalem na, pe wa na wi Hasshub biblɔ Shemaiah, u tolɛɛlɛ na lɛ Azrikam, na Hashabiah, na Bunni. 16 Pe plɛ na lɛ, Shabbethai, na Jozabad, Levi leele pre loplombo mblɛ praa tnumu nyjɛ yi nsraa wa Nyiɛkpɔɔ Suminyuŋgo lam wa yire le. 17 A wa na wi Mica biblɔ Mattaniah, u tolɛɛlɛ na lɛ Zabdi, na Asaph a wre na wi Suminyuŋgo wa mɛkɔmblɔ mblɛ praa nyiɛtalaa, na mboo ŋgaa mɛɛ koni pre lopom, a Bakbukiah wraa yaa u na. Ŋmba wraa wa mu ya na wi Shammua biblɔ Abda, u tolɛɛlɛ na lɛ Galal, na Jeduthun. 18 Kena Levi leele mblɛ praa wa kakpɔɔ cheche kre na pre naa lafɛɛ shiin na fuloe jijirɛ na jijirɛ.
19 Akkub, na Talmon na pe wolo pre na lɛ jlonwee nyu shiefɛɛnlɛ pre, praa lafaa na fuloe taarɛ na kɛmbɔshiin.
20 Israel leele pre hamblɛ pre, na srawɔfɛɛnlɛ pre plɛ, na Levi leele pre plɛ naa wa mu tni Judah chiɛ yire na, pe trɛ nyjɛ pra ta krɔyira yire na pra nyi mu tni.
21 La, leele mblɛ praa tnumu tuni Suminyuŋgo wa pre naa wa mu tni Jerusalem kokoo ŋga praa yeeri Ophel kre na, a bilɛ shiin mblɛ praa pe le kre mɛɛ naa Ziha, na Gishpa.
22 A Bani biblɔ Uzzi wre na wi Levi leele mblɛ praa wa Jerusalem na pre lopom titi, a u tolɛɛlɛ na lɛ Hashabiah, na Mattaniah, na Mica. A wra yiri Asaph nanae mblɛ praa Suminyuŋgo wa mɛkɔmblɔ pre le pre nu. 23 La, blenyini kpan, Persia ŋunu wre we mɛɛ ŋga u chaa, na mɛkɔmblɔ mblɛ pie ki kɔ nyina. 24 Meshezabel biblɔ Pethahiah wra yire Israel leele jeelee na Persia ŋunu lawee, wra yiri Zerah katoo Judah jlom na.
Leele Mblɛ Praa Wa Mu Tni Chiɛ Na Seechiɛ Yire Na
25 Judah leele pre plɛ naa wa yire chiɛ nyjɛ na, a praa wa mu tni mu mbra pe seele na, chiɛ yire na yi, Kiriath-Arba, na Dibon, na Jekabzeel, na yi seechiɛ, 26 na Jeshua, na Moladah, na Beth-Pelet, 27 na Hazar-Shual, na Beersheba, na yi seechiɛ, 28 na Ziklag, na Meconah, na yi seechiɛ, 29 na En-Rimmon, na Zorah, na Jarmuth, 30 na Zanoah, na Adullam, na yi seechiɛ, na Lachish, na ki seechiɛ, na Azekah, na ki seechiɛ. Praa wa mu tni chiɛ yire na mu yire Beersheba ŋga kraa wa na shie tapan haa kre na, mu sɛ su Hinnom landɛɛ ŋga kraa wa na shie nyjeeri haa kre na.
31 Benjamin jlom leele pre naa wa mu tni chiɛ nyjɛ praa yeeri Geba, na Michmash, na Aija, na Bethel na ki kabɛɛlɛ yire, 32 na Anathoth, na Nob, na Ananiah, 33 na Hazor, na Ramah, na Gittaim, 34 na Hadid, na Zeboim, na Neballat, 35 na Lod, na Ono, na landɛɛ ŋga nu kɛnyu tnumu tunfɛɛnlɛ pre nyi kre. 36 Levi leele pre plɛ naa wa mu tni Judah tra nu fa, a pra tia pra sɛ tni Benjamin leele pre nu.