Israel jlom yire leele mblɛ pra ndru mna pan pre mɛɛ yi kre. 3 Parosh nanae naa kagbenyi shiin na lafaa na fuloe taarɛ na kɛmbɔshiin, 4 Shephatiah nanae naa lafɛɛ taarɛ na fuloe taarɛ, na kɛmbɔshiin. 5 Arah nanae naa lafɛɛ kɔɔnashin na fuloe taarɛ na kɛmbɔkunɔ. 6 Jeshua, na Joab nana na wi Pahath-Moab, u nanae naa kagbenyi shiin na lafɛɛ kɔɔnatarɛ, na kɛmbɔshiin. 7 Elam nanae naa kagbeŋge na lafɛɛ shiin, na fuloe shiin na kɛmbɔjijirɛ. 8 Zattu nanae naa lafɛɛ kɔɔnanyjirɛ na fuloe shiin na kunɔ. 9 Zaccai nanae naa lafɛɛ kɔɔnashin na fuloe taarɛ. 10 Bani nanae naa lafɛɛ kɔɔnanu na fuloe shiin na shiin. 11 Bebai nanae naa lafɛɛ kɔɔnanu na fulo na taarɛ. 12 Azgad nanae naa kagbeŋge na lafɛɛ shiin na fulo na shiin. 13 Adonikam nanae naa lafɛɛ kɔɔnanu na fuloe taarɛ na kɔɔnanu. 14 Bigvai nanae naa kagbenyi shiin na fuloe shiin na kɛmbɔkɔɔnanu. 15 Adin nanae naa lafɛɛ jijirɛ na fuloe shiin na kɛmbɔjijirɛ. 16 Ater ŋmba praa yeeri Hezekiah wre nanae naa fuloe jijirɛ na kɛmbɔkɔɔnatarɛ. 17 Bezai nanae naa lafɛɛ taarɛ na fulo na taarɛ. 18 Jorah nanae naa lafaa na kɛmbɔshiin. 19 Hashum nanae naa lafɛɛ shiin na fulo na taarɛ. 20 Gibbar nanae naa fuloe jijirɛ na kɛmbɔkunɔ.

21 Bethlehem chia leele naa lafaa na fulo na taarɛ. 22 Netophah chia leele naa fuloe shiin na kɛmbɔkɔɔnanu. 23 Anathoth chia leele naa lafaa na fulo na kɔɔnatarɛ. 24 Azmaveth chia leele naa fuloe shiin na shiin. 25 Kiriath-Jearim, na Kephirah, na Beeroth chiɛ yire leele naa lafɛɛ kɔɔnashin na fuloe shiin na taarɛ. 26 Ramah, na Geba chiɛ yire leele naa lafɛɛ kɔɔnanu na fulo na nunu. 27 Michmash chia kre leele naa lafaa na fulo na shiin. 28 Bethel, na Ai chiɛ yire leele naa lafɛɛ shiin na fulo na taarɛ. 29 Nebo chia leele naa fuloe shiin na kɛmbɔshiin. 30 Magbish chia leele naa lafaa na fuloe shiin na kɛmbɔkɔɔnanu. 31 Elam chia shiinwo kre leele naa kagbeŋge na lafɛɛ shiin na fuloe shiin na kɛmbɔjijirɛ. 32 Harim chia leele naa lafɛɛ taarɛ na fulo. 33 Lod, na Hadid, na Ono chiɛ yire leele naa lafɛɛ kɔɔnashin na fulo na kunɔ. 34 Jericho chia leele naa lafɛɛ taarɛ na fuloe shiin na kunɔ. 35 Senaah chia leele naa kagbenyi taarɛ na lafɛɛ kɔɔnanu, na fulo na kɛ.

36 Srawɔfɛɛnlɛ mblɛ na lɛ Jedaiah nanae, a pra yiri Jeshua sele nu pre naa lafɛɛ kɔɔnanyjirɛ na fuloe taarɛ na kɛmbɔtaarɛ. 37 Srawɔfun Immer nanae naa kagbeŋge na fuloe shiin na kɛmbɔshiin. 38 Srawɔfun Pashhur nanae naa kagbeŋge na lafɛɛ shiin na fuloe shiin na kɔɔnashin. 39 Srawɔfun Harim nanae naa kagbeŋge na kɛmbɔkɔɔnashin.

40 Levi nanae Jeshua, na Kadmiel, mblɛ pra yiri Hodaviah jlom na pre naa fuloe taarɛ na kɛmbɔjijirɛ. 41 Asaph nanae mblɛ na lɛ mɛkɔmblɔ pre naa lafaa na fulo na kɔɔnatarɛ. 42 Shallum, na Ater, na Talmon, na Akkub, na Hatita, na Shobai mblɛ na lɛ Suminyuŋgo kre jlonwee shiefɛɛnlɛ pre nanae naa lafaa na fulo na kɛmbɔkɔɔnanyjirɛ.

43 Suminyuŋgo kre tnumu tunfɛɛnlɛ nanae mblɛ pra ndru mu pan na lɛ, Ziha, na Hasupha, na Tabbaoth, 44 na Keros, na Siaha, na Padon, 45 na Lebanah, na Hagabah, na Akkub, 46 na Hagab, na Shalmai, na Hanan, 47 na Giddel, na Gahar, na Reaiah, 48 na Rezin, na Nekoda, na Gazzam, 49 na Uzza, na Paseah, na Besai, 50 na Asnah, na Meunim, na Nephussim, 51 na Bakbuk, na Hakupha, na Harhur, 52 na Bazluth, na Mehida, na Harsha, 53 na Barkos, na Sisera, na Temah, 54 na Neziah, na Hatipha.

55 Ŋunu Solomon sumifɛɛnlɛ pre nanae mblɛ pra ndru mu pan na lɛ, Sotai nanae, na Hassophereth nanae, na Peruda nanae, 56 na Jaala nanae, na Darkon nanae, na Giddel nanae, 57 na Shephatiah nanae, na Hattil nanae, na Pokereth-Hazzebaim nanae, na Ami nanae. 58 Suminyuŋgo kre tnumu tunfɛɛnlɛ, na Solomon sumifɛɛnlɛ pre nanae pre naa lafɛɛ taarɛ na fuloe jijirɛ na kɛmbɔshiin.

59-60 Leele lafɛɛ kɔɔnanu na fuloe shiin na kɛmbɔshiin plɛ na yiri Delaiah, na Tobiah, na Nekoda sele nu, mna yiri chiɛ nyjɛ pe yeeri Tel-Melah, na Tel-Harsha, na Kerub, na Addon, na Immer na mu pan, la, pe nsra ja mna nyina na pe sele leele pe Israel leele.

61-62 Hobaiah, na Hakkoz, na Barzillai ŋmba wra Gilead ndro Barzillai bichlɔ wru mu leŋge, a pra u ŋga kre mɛɛ kre. Pra pe mɛɛ yire cha srawɔfɛɛnlɛ sele mɛɛ nyjɛ pra nyunɔ mu tɛɛ yire nu, a pe nsra yi nya. Ki tia pe nsra pe nanae chaa srawɔfɛɛnlɛ pre nu, pra pe le na pe pe nɛɛrɛ leele. 63 Ki tia Judae pre lopom wre na yo pe pan na pia shia sro cheche ŋga pe teeri Nyiɛkpɔɔ pan kre ka le nyuu, fɔna srawɔfun wa mbe Urim, na Thummim yire tɛɛ mbe Nyiɛkpɔɔ wie tun.^a

64-67 Leele mblɛ pra yiri Babylon tra nu mna pan pre kro naa kagbenyi fuloe shiin na shiin, na lafɛɛ taarɛ na fuloe taarɛ. Pe sumifɛɛnlɛ bilɛ, na chiɛlɛ naa kagbenyi kɔɔnashin na lafɛɛ taarɛ na fulo na kɛmbɔkɔɔnashin mna ya. Pe mɛkɔmblɔ bilɛ, na chiɛlɛ naa lafɛɛ shiin. Pe soolo naa lafɛɛ kɔɔnashin na fulo na kɛmbɔkɔɔnanu, a pe sobubunlɔ naa lafɛɛ shiin na fuloe shiin na kunɔ, a pe nyuuma naa lafɛɛ jijirɛ na fulo na kɛmbɔkunɔ, a pe bubunlɔ naa kagbenyi kɔɔnanu na lafɛɛ kɔɔnashin na fulo.

68 Ŋga pra le Jerusalem na, mna sɛ o Tafun Nyiɛkpɔɔ wre Suminyuŋgo kre lawee nya kre, pe loplombo pre plɛ na pe chaara yirɛ wɔ mbe yi tɛɛ mbe Suminyuŋgo kre gbeele mbe sin ki titɛɛ lɛɛ wa. 69 Pra yirɛ wɔ mu ŋga imi na pe faŋga we ja, mbe pe tɛɛ mbe tnumu kre tun, pra swanyiɛ kradnɛ kagbeŋge na fulo na kɛ wɔ, mna swafiŋge kradnɛ kagbenyi kunɔ na lafɛɛ kɔɔnashin na fuloe shiin wɔ, yire na srawɔfɛɛnlɛ dodonyi titnɔnyi lafaa.

70 Srawɔfɛɛnlɛ pre, na Levi leele pre, na mɛkɔmblɔ pre, na Suminyuŋgo kre jlonwee shiefɛɛnlɛ pre, na ki tnumu tunfɛɛnlɛ pre na sɛ tni pe chiɛ nyjɛ na pra yiri na, a Israel leele pre hamblɛ pre na sɛ tni pe chiɛ nyjɛ na pra yiri na.