4 Levi jlom kre, pra ki wru sele sele na, mna kɛɛn tɛɛ, mu yire ki na mna pe ŋga chiɛ. Kɛɛn tɛɛ yire na Aaron nanae mblɛ pra yiri Kohath sele nu pre wɔ jle. A pra pre ŋga chiɛ kɛmbɔtaarɛ Judah jlom wolo, na Simeon, na Benjamin jlom trɛ nu. 5 A Kohath sele ŋga kra kro kre, pra pre ŋga chiɛ kɛ Ephraim, na Dan, na Manasseh jlom yɔɔ ŋga kraa wa na shie yilatohaa pre trɛ nu. 6 Kohath sele yire ka lopom na wi Gershon, a pra u nanae ŋga chiɛ kɛmbɔtaarɛ Issachar jlom, na Asher jlom, na Naphtali jlom, na Manasseh jlom yɔɔ ŋga kraa wa na shie yilafinhaa Bashan tra nu kre.

7 Sele kre nunu na yi Merari, a pra pe ŋga chiɛ kɛmbɔshiin, Reuben sele, na Gad sele, na Zebulun sele trɛ nu.

8 Pra kɛɛn tɛɛ mna yire o Tafun Nyiɛkpɔɔ kee ŋga wra yo Moses pan kre na, mna yire chiɛ nyjɛ, na yurɛ kahɛɛ yire yɔɔlɛ mna Levi jlom yire ŋga.

9 Chiɛ nyjɛ pra wɔ Judah, na Simeon jlom wolo pre trɛ nu, 10 kre ŋga pra kɛɛn tɛɛ yira Aaron nanae mblɛ pra yiri Kohath jlom na, mna pe Levi srawɔfɛɛnlɛ pre wɔ. 11 A pra pe ŋga chia ŋga praa yeeri Kiriath Arba. Arba tolɛɛ na wi Anak. Kre chia kre, pra kɔ mu ki mɛɛ tɛɛ Hebron. A kraa wa Judah nyambie lawee yire nu, kre na ki yurɛ kahɛɛ ni. 12 La, kre chia kre kabɛɛlɛ nyjɛ yiraa wa ki mbɛɛlɛ na, na trɛ nyjɛ yira ki fɛ mu kun kro, na pe klu mu yi wru mu, Jephunneh biblɔ Caleb wre ŋga.

13 Kre Hebron ŋga kee o yuu ŋga na chaa fɛnkaari chiɛ yire nu, a pra srawɔfun Aaron nanae pre ŋga ki yi. Chiɛ nyjɛ yira ya na yi, Libnah, 14 na Jattir, na Eshtemoa, 15 na Holon, na Debir, 16 na Ain, na Juttah, na Beth-Shemesh, yire na yi yurɛ kahɛɛ ni. Yire chiɛ yire naa kɔɔnanyjirɛ, mnaa wa Judah jlom, na Simeon jlom wolo trɛ nu. 17 A Benjamin jlom wolo trɛ nu pra pe ŋga chiɛ jijirɛ. Yire na yi Gibeon, na Geba, 18 na Anathoth, na Almon, na yi yurɛ kahɛɛ ni kro. 19 Chiɛ yire naa kɛmbɔtaarɛ, na yi yurɛ kahɛɛ ni kro. Kena yire pra Aaron nanae srawɔfɛɛnlɛ pre ŋga.

20 Levi srawɔfɛɛnlɛ hamblɛ mblɛ pra yili Kohath jlom na pre, pra pe plɛ ŋga chiɛ Ephraim jlom wolo trɛ nu. 21 Chiɛ nyjɛ pra pe ŋga yire naa jijirɛ, yire na yi Shechem, na ki yurɛ kahɛɛ. Kra chaa fɛnkaari chiɛ yire nu, a kra wa Ephraim nyambie lawee yire nu, na Gezer, 22 na Kibzaim, na Beth-Horon na yi yurɛ kahɛɛ ni. 23 A Dan jlom wolo trɛ nu pra pe ŋga chiɛ jijirɛ, yire na yi Eltekeh, na Gibbethon, 24 na Aijalon, na Gath-Rimmon, na yi yurɛ kahɛɛ ni. 25 A Manasseh jlom yɔɔ kre tra ŋga kraa wa na shie yilatohaa kre, pra pe ŋga chiɛ shiin, yire na yi Taanach, na Gath-Rimmon, na yi yurɛ kahɛɛ ni. 26 Kohath jlom kre, chiɛ nyjɛ pra ta naa kɛ, na yi yurɛ kahɛɛ ni.

27 Gershon jlom wolo mblɛ na lɛ Levi srawɔfɛɛnlɛ pre, pra pe ŋga chiɛ shiin, Manasseh jlom yɔɔ ŋga kraa wa na shie yila finhaa kre nu. Yire na yi Golan ŋga kraa wa Bashan tra nu, mna chaa fɛnkaari chiɛ yire nu kre, na Be-Eshtarah, na yi yurɛ kahɛɛ ni. 28 A Issachar jlom wolo trɛ nu pra pe ŋga chiɛ jijirɛ. Yire na yi Kishion, na Daberath, 29 na Jarmuth, na En-Gannim, yire na yi yurɛ kahɛɛ ni. 30 A Asher jlom wolo trɛ nu pra pe ŋga chiɛ jijirɛ, yire na yi Mishal, na Abdon, 31 na Helkath, na Rehob, na yi yurɛ kahɛɛ ni. 32 A Naphtali jlom wolo trɛ nu, pra pe ŋga chiɛ taarɛ, yire na yi Kedesh ŋga kraa wa Galilee lawee yire nu, na ki yurɛ kahɛɛ ni, a kra chaa fɛnkaari chiɛ yire nu, na Hammoth-Dor, na Kartan, na yi yurɛ kahɛɛ ni. 33 Gershon jlom wolo pre na ta chiɛ kɛmbɔtaarɛ, na yi yurɛ kahɛɛ ni.

34 Levi srawɔfɛɛnlɛ pre plɛ na lɛ Merari jlom wolo pre, a pra pe ŋga chiɛ jijirɛ Zebulun tra nu. Yire na yi Jokneam, na Kartah, 35 na Dimnah, na Nahalal, na yi yurɛ kahɛɛ ni. 36 A Reuben jlom wolo tra nu, pra pe ŋga chiɛ jijirɛ. Yire na yi Bezer, na Jahaz, 37 na Kedemoth, na Mephaath, na yi yurɛ kahɛɛ ni. 38 A Gad jlom wolo trɛ nu, pra pe ŋga chiɛ jijirɛ. Yire na yi, Ramoth ŋga kraa wa Gilead tra nu kre, na ki yurɛ kahɛɛ ni. Fɛnkaari chiɛ yire ka na yi. A yi hɛnyi na yi Mahanaim, 39 na Heshbon, na Jazer, na yi yurɛ kahɛɛ ni. 40 Kena na mu le, Merari jlom kre na ta chiɛ kɛmbɔshiin. 41-42 Trɛ nyjɛ Israel leele pre na ta yire krɛrɛ nu, pra Levi jlom nɔɔ kre leele ŋga chiɛ fuloe shiin na kɔɔnatarɛ, yire na yi yurɛ kahɛɛ ni kro.

43 O Tafun Nyiɛkpɔɔ wre na Israel leele pre ŋga tra ŋga kee na wra da mna pe tolɛɛlɛ ŋga na we pe ŋga, mbe pe ki wru mbe tni kre. 44 O Tafun Nyiɛkpɔɔ na pe ŋga wejinyiŋge tra kre nu, imi na wra da mu pe tolɛɛlɛ ŋga kre. Pe loŋgoolo nsra ja mu yire pe yiɛ, ŋgi na hin? O Tafun Nyiɛkpɔɔ wre na tia pra pe loŋgoolo kro ja. 45 Kee nyjɛ nyu o Tafun Nyiɛkpɔɔ na yo pe pan kre, wra yi pe kro mu pe ŋga.