7 Kakpɔɛ jijirɛ yɛ naa wa mu ya, yire na yi Ain, na Rimmon, na Ether, na Ashan, chiɛ jijirɛ, na yi kabɛɛlɛ ni. 8 Yire chiɛ yire na yi kabɛɛlɛ nyjɛ kro naa wa pe tra kre nu, mna sɛ su Baalath Beer na, kre chɔɔ praa yeeri Ramah, a kraa wa na shie tapan haa. Kre tra ŋga kre Simeon jlom na ta. 9 Judah jlom tra ŋga pra ta kre na kpɔɔ mu wɛ imi praa chaa na, a kra tia pra pe wo kre ka kun mu ya Simeon jlom wolo pre pan.

10 Zebulun jlom wolo pra ta mu taa taarɛ. Tra ŋga pra ta kre na sni mna sɛ yili chia ŋga praa yeeri Sarid kre na. 11 Sam kre na yire bawa mna tro yila tohaa mna sɛ to chia ŋga praa yeeri Maralah kre na. Kra yire wa mu sɛ to chia ŋga praa yeeri Dabbesheth kre na, mna yire wa mu to lafolo ŋga kraa wa chia ŋga praa yeeri Jokneam kre yilafin haa wa.

12 Sam kre na yire Sarid na mna kna mu yiɛ le yila finhaa mna sɛ to chia ŋga praa yeeri Kisloth-Tabor kre na, mna yire wa mna sɛ to, Daberath, na Japhia na. 13 Sam kre na tro yilafinhaa wa mna sɛ to Gath-Hepher, na Eth-Kazin na, mna kna mu yiɛ le Neah na, mna sɛ to Rimmon na. 14 Nyjeeri haa sam kre naa wa mu sɛ to Hannathon na, a ki nyu na sɛ to nyua jaara tra ŋga praa yeeri Iphtahel kre nu. 15 Chiɛ nyjɛ yiraa wa tra kre nu kre yɛ na yi, Kattah, na Nahalal, na Shimron, na Idalah, na Bethlehem. Chiɛ yire kro naa kɛmbɔshiin, na yi kabɛɛlɛ ni. 16 Yire chiɛ yire na yi kabɛɛlɛ yire kro naa wa tra ŋga Zebulun jlom wolo na ta kre nu.

17 Issachar sele pra ta mna taa jijirɛ wo. 18 Chiɛ nyjɛ yiraa wa pe tra kre nu na yi, Jezreel, na Kesulloth, na Shunem, 19 na Hapharaim, na Shion, na Anaharath, 20 na Rabbith, na Kishion, na Ebez, 21 na Remeth, na En-Gannim, na En-Haddah, na Beth-Pazzez. 22 Sam kre na sɛ to Tabor nyua kre na, na Shahazumah, na Beth-Shemesh, mna yire wa mu sɛ to Jordan lɔɔ kre nu. Chiɛ kɛmbɔkɔɔnanu na yi kabɛɛlɛ yiraa wa tra kre nu. 23 Yire chiɛ nyjɛ kro naa wa tra ŋga Issachar na ta kre nu.

24 Asher jlom kre kra ta mna taa kunɔ. 25 Chiɛ nyjɛ yiraa wa u tra kre nu na yi, Helkath, na Hali, na Beten, na Acshaph, 26 na Allammelech, na Amad, na Mishal. Pe sam ŋga kraa wa na shie yilatohaa kre na sɛ to nyua ŋga praa yeeri Carmel, na Shihor-Libnath chia yire na. 27 Sam kre na kna mu yiɛ le yila finhaa, mna sɛ to Beth-Dagon chia kre na, mna sɛ yili Zebulun jlom wolo sam na, mna yire wa mu sɛ to landɛɛ ŋga praa yeeri Iphtah-El kre nu, na shie nyjeeri haa wa. Mna yire wa mu sɛ to landɛɛ ŋga praa yeeri Beth-Emek, na Neiel kre nu. Sam kre naa wa mna sɛ to Cabul na, mu na shie nyjeeri haa, 28 mu yire wa mu sɛ to Abdon, na Rehob, na Hammon, na Kanah na, hali mna sɛ yili kakpɔɔ Sidon kre na. 29 Sam kre na kna mna sɛ to Ramah chia kre na, mna sɛ to Tyre chia ŋga pra mboo sin mu fɛ mu kun kre na. Kra yire wa mna to Hosah na, mna yire wa mu su epo na. Chiɛ nyjɛ yiraa wa mu mbra wa na yi, Mahalab, na Aczib, 30 na Ummah, na Aphek, na Rehob. Yire chiɛ yire kro naa fulo na shiin, yire na yi kabɛɛlɛ ni. 31 Yi kro naa wa tra ŋga Asher jlom na ta kre nu.

32 Naphtali jlom wolo pre pra ta mu taa kɔɔnanu. 33 Pe sam kre na yire Heleph, na Zaanannim tiŋge kpɔɔ kre na, mna yire wa mu sɛ to Adami-Nekeb, na Jabneel, na Lakkum na, mna yire wa mna sɛ kɔ Jordan lɔɔ kre nu. 34 Bawa sam kre na kna mu yiɛ le yila tohaa, mna sɛ to Aznoth-Tabor na, mna yire wa mu sɛ yili Hukok na, mna tro mu sɛ to Zebulun jlom wolo sam na, na shie tapan haa, mna yire wa mu sɛ to Asher jlom wolo tra sam na, na shie yila tohaa, mna yire wa mu sɛ to Jordan lɔɔ kre na, na shie yila finhaa. 35 Pe kakpɔɛ nyjɛ pra ta, a pra mboe sin mu yi fɛ mu kun yire yi, Ziddim, na Zer, na Hammath, na Rakkath, na Kinnereth, 36 na Adamah, na Ramah, na Hazor, 37 na Kedesh, na Edrei, na En-Hazor, 38 na Iron, na Migdalel, na Horem, na Beth-Anath, na Beth-Shemesh. Chiɛ yire kro naa kɛmbɔkɔɔnanyjirɛ, na yi kabɛɛlɛ ni. 39 Yire chiɛ nyjɛ na yi kabɛɛlɛ nyjɛ kro naa wa tra ŋga Naphtali jlom wolo na ta kre nu.

40 Dan jlom wolo pra ta mu taa kɔɔnashin. 41 Chiɛ nyjɛ yiraa wa pe tra kre nu na yi. Zorah, na Eshtaol, na Ir-Shemesh, 42 na Shaalabbin, na Aijalon, na Ithlah, 43 na Elon, na Timnah, na Ekron, 44 na Eltekeh, na Gibbethon, na Baalath, 45 na Jehud, na Bene-Berak, na Gath-Rimmon, 46 na Me-Jarkon, na Rakkon, mna yire wa mu sɛ to Joppa na. 47 Dan jlom wolo pre nsra ja mu wi mu pe tra shɔ pe loŋgoolo kɛɛ. Ki tia pra sɛ wi na Leshem leele ni mna pe gbo, mna pe tra kre shɔ mu tni, mna chia kre mɛɛ tɛɛ pe tolɛɛ ŋmba praa yeeri Dan wre mɛɛ na. 48 Kena kre tra kre pra kɔ mu Dan jlom wolo pre ŋga, yire na chiɛ nyjɛ yiraa wa tra kre na kro ni.

49 Ŋga Israel leele pre na tra kre yɔɔlɛ mu peyɛ ŋga mu kɔ kre, pra Nun biblɔ Joshua ŋga tra kre ka mbe ki pe u wo, 50 imi na o Tafun Nyiɛkpɔɔ na klu mu yo pe pan kre. Kakpɔɔ ka naa wa Ephraim nyambie lawee yire nu, a praa ki yeeri Timnath-Serah, kre Joshua na yo u chaa, a pra u ŋga ki yi, a wra ki gbeele mu sin mna tni wa.

51 Srawɔfun Eleazar, na Nun biblɔ Joshua, na Israel leele pre jlom yɛkulo, pre na yire o Tafun Nyiɛkpɔɔ yiɛ, mna kɛɛn tɛɛ, u yoŋgo nyuŋgo ŋga nu, wre na pre naa fni kre nyu na Shilo na, mna yire ki na mna tra kre yɔɔlɛ a kra kɔ.