Tra ŋga Pra Ephraim Na//Manasseh Jlom Yɔɔ Na Ta
16
Ephraim, na Manasseh jlom shiin yire na yili Joseph nɔɔ leele nu. Tra ŋga pra pe ŋga kre sam na yire, Jordan lɔɔ kre yila finhaa, mu mbra Jericho bloe lawee yire na. Mna sɛ tro tablɔ tra kre nu, mu yire wa mu sɛ tro Bethel ŋga kraa wa nyambie lawee yire nu. 2 Kra yire Bethel na mna sɛ to Luz na, mu tro wa mu sɛ to Arki leele tra ŋga kraa wa Ataroth na kre nu. 3 A na mu yiɛ tɛɛ yila tohaa, pe sam kre na sɛ to Japhlet leele tra nu. Mna tro wa mu sɛ to Beth-Horon tapan wo kre na, na Gezer na, mna sɛ su Mediterranean epo kre na. 4 Joseph nanae Ephraim na Manasseh jlom yɔɔ yire pra kre tra kre ta.Ephraim Jlom Wolo
5 Tra ŋga Ephraim jlom wolo pre na ta kre sam na yire Ataroth-Addar na, na shie yilafinhaa mu sɛ su lawee ŋga praa yeeri Beth-Horon Nyjeeri wo kre na. 6 Kra yire wa mu sɛ su epo kre na. Micmethath kakpɔɔ kre na yi pe nyjeeri haa sam. Na mu yire bawa mu yiɛ tɛɛ yilafinhaa kre, sam kre na tro mu sɛ to Taanath-Shiloh kakpɔɔ kre na, mu yire wa mna sɛ to Janoah kakpɔɔ kre na. 7 Mu yire wa mu sɛ su Ataroth, na Naara kakpɔɔ kre na, mu yire wa mu sɛ to Jericho na, mu sɛ su Jordan lɔɔ kre na. 8 Pe yila tohaa sam kre na yire Tappuah na mna sɛ su Kanah lafolo kre nu, mna yire wa mu sɛ to epo kre na. 9 Ephraim jlom wolo pre chɔɔ na kakpɔɛ, na kabɛɛlɛ yɛ ta, a yiraa wa Manasseh wolo tra ŋga pra ta kre nu.
10 La, pe nsra Canaan leele mblɛ praa wa Gezer na pre ni, ki tia Canaan leele pre na Ephraim jlom wolo pre na chaa mu tni, mu pan mu su aŋga na. La, pra pe pe tnibiile.