2 Pe tapan haa sam kre, na yire epo weŋge wo kre tapan haa. 3 Kraa wa mu tro mu sɛ to Akrabbim kolo kre na, mna sɛ to Zin tablɔ tra kre na na. Sam kre naa wa mu sɛ su Kadesh-Barnea kakpɔɔ kre tapan, mu tro Hezron kakpɔɔ kre na, mu yire wa mu sɛ su Addar kakpɔɔ kre na, mu kna mu sɛ yili Karka kakpɔɔ kre na, 4 mu chin mu yire wa mu sɛ su Azmon kakpɔɔ kre na, mu yire wa mu tro lafolo ŋga kraa wa pre na Egypt tra sam na kre, mu sɛ to epo kre na. Bawa na yi Judah jlom wolo sam ŋga kraa wa na shie tapan haa kre nyu.

5 Pe yila finhaa sam kre na yire epo weŋge wo kre na, mu sɛ su lawee ŋga nu Jordan lɔɔ kre naa fuu na lee epo nu kre na. Nyjeeri haa sam kre na yire Jordan lɔɔ kre lawee, 6 mu yire wa mu sɛ to Beth-Hoglah kakpɔɔ kre na, mu yire wa mu sɛ su Beth-Arabah na, mu yire wa mu tro Reuben pɔ Bohan dnɛ kpɔɔ kre lawee. 7 Sam kre naa wa landɛɛ ŋga pe yeeri Achor kre nu, mu sɛ su Debir na. A na mu kna mu yiɛ le na shie nyjeeri haa, kra sɛ yili Gilgal ŋga kraa wa na shie landɛɛ kre nyjeeri haa kre na, mna yiɛ kan Adummim nyua wee ŋga nu tro haa na nyi kre na. Sam kre naa wa mu tro En-Shemesh bloe yire nu, mu yili wa mna sɛ tro En-Rogel na, 8 mu tro mu yili Hinnom landɛɛ ŋga kraa wa na shie nyua kre tapan haa kre, bawa Jebusite leele kakpɔɔ ŋga pra yeeri Jerusalem kre na nyi. Pe sam kre na sɛ to nyua kre nyjeeri, na shie Hinnom landɛɛ kre yila tohaa, mu sɛ to Raphaim landɛɛ kre nyu na. 9 Kra yire wa mna sɛ su Nephtoah bloe yire nu, mna tro mu sɛ kakpɔɛ nyjɛ yiraa wa Ephron nyua kre mɛɛ na. Bawa kra ndru mu kna, mna yiɛ kan Baalah ndee (Kiriath-Jearim) na. 10 Sam kre na yire Baalah na, mu kna mu yiɛ le yila tohaa, mu sɛ to Nyua Seir na. Mna yire wa mu sɛ to nyua Jearim na na shie nyjeeri haa, kre chɔɔ praa yeeri Kesalon. Kra yire wa mu sɛ to Beth-Shemesh na, mu yire wa mu sɛ yili Timnah na. 11 Sam kre na yire wa mna sɛ yili nyua ŋga kii wa Ekron nyjeeri haa kre na, mna kna mu yiɛ le Shikkeron na, mna yire wa mu sɛ to nyua Baalah na. Kra tro mu sɛ to Jabneel na. Pe sam kre nyu na sɛ to Mediterranean epo kre na.

12 Bawa Judah jlom sam ŋga kraa wa na shie yila tohaa kre na tro.

13 Imi na Nyiɛkpɔɔ na yo Joshua pan kre ndra na, wra tra ŋga pra Judah jlom yire ŋga kre yɔ, mna Jephunneh biblɔ Caleb ŋga Hebron. Kre nyjila kre na ki mɛɛ Kiriath Arba kakpɔɔ, Arba ŋmba mɛɛ na pra chia kre mɛɛ tɛɛ wre, legbakrɛ mblɛ na lɛ Anak leele pre tolɛɛ na wi. 14 Caleb na Anak legbakrɛ nanae taarɛ plɛ ni mu flo kre tra kre na. Pe nɔɔ na yiri Sheshai, na Ahiman, na Talmai sele nu. 15 Wra yiri wa mna sɛ wi na Debir leele ni, Debir chɔɔ praa yeeri Kiriath-Sepher. 16 Caleb na yo mbo, “Mbe ni pɔ bichable Acsah wru mbe ndro ŋmba we jaa wi mbe Kiriath-Sepher shɔ wre ŋga mbe u leŋge.” 17 A Kenaz biblɔ ŋmba praa yeeri Othniel, Caleb sele ndro wre na sɛ wi mu chia kre shɔ. A Caleb na u bichlɔ Acsah wru mu u ŋga a wra leŋge.

18 Ŋga pra bijam pe mu kɔ to, a Othniel na yo u chɔ pan mbo, “Sɛ yo mu lɛ pan mbe u mu ŋga tra.” A Acsah na sɛ u bubnɔ wru, mna sɛ u lɛ Caleb pan. Ŋga wra da wa mna tii u bubnɔ na to, a u lɛ na u wie mbo, “Yira ŋgi mu chaa hin?” 19 A wra kna mbo, “Ndoo, jande nyu ni na. Mna ni ŋga tra tablɔ tra kre nu, kena ni chaa mbe mu ni ŋga tra ka bloe lawee nu.” Ŋga kra pan ma kre, u lɛ Caleb na u ŋga nyjeeri, na tapan haa bloe lawee yire.

20 Tra Ŋga Judah jlom kre na ta, a kra pe pe wo na yi, 21 kakpɔɛ nyjɛ haa yira le na shie tapan haa, a yira pe pe wee mna mbra Edom sam na yire. Yire na yi, Kabzeel, na Eder, na Jagur, 22 na Kinah, na Dimonah, na Adadah, 23 na Kadesh, na Hazor, na Ithnan, 24 na Ziph, na Telem, na Bealoth, 25 na Hazor Hadattah, na Kerioth-Hezron (ndee Hazor), 26 na Amam, na Shema, na Moladah, na 27 Hazar-Gaddah, na Heshmon, na Beth-Pelet, 28 na Hazar Shual, na Beersheba, na Biziothiah, 29 Baalah, na Iim, na Ezem, 30 Eltolad, na Kesil, na Hormah, 31 Ziklag, na Madmannah, na Sansannah, 32 na Lebaoth, na Shilhim, na Ain, na Rimmon. Yi kro naa kakpɔɛ fulo na kɔɔnanyjirɛ, na yi seechiɛ.

33 Kakpɔɛ nyjɛ yiraa wa nyuɛ yire jaara na yi, Eshtaol, na Zorah, na Ashnah, 34 Zanoah, na En-Gannim, na Tappuah, na Enam, 35 na Jarmuth, na Adullam, na Socoh, na Azekah, 36 Shaaraim, na Adithaim, na Gederah, kre chɔɔ praa yeeri Gederothaim, yire na pe kakpɔɛ kɛmbɔjijirɛ na yi seechiɛ.

37 Nyjɛ yiraa wa mu ya na yi, Zenan, na Hadashah, na Migdal-Gad, 38 na Dilean, na Mizpah, na Joktheel, 39 na Lachish, na Bozkath, na Eglon, 40 na Cabbon, na Lahmas, na Kitlish, 41 na Gederoth, na Beth-Dagon, na Naamah, na Makkedah. Kakpɔɛ kɛmbɔkɔɔnanu na yi seechiɛ.

42 A nyjɛ yiraa wa mu ya na yi, Libnah, na Ether, na Ashan, 43 na Iphtah, na Ashnah, na Nezib, 44 na Keilah, na Aczib, na Mareshah. Yiraa kakpɔɛ kɔɔnanyjirɛ na yi seechiɛ.

45 Ekron naa wa na kre chiɛ, na ki kabɛɛlɛ ni. 46 Na kakpɔɛ yire, na yi kabɛɛlɛ yire kro, yiraa wa mu mbra Ashdod na, mu sɛ su Ekron na.

47 Ashdod, na Gaza naa wa na yi kakpɔɛ, na yi kabɛɛlɛ ni, mu sɛ su lafolo ŋga kra tro Egypt sam na, mu yire wa mu sɛ su Mediterranean epo kre nyu na. 48 Chiɛ nyjɛ yiraa wa nyambie lawee yire nu yire na yi Shamir, na Jattir, na Socoh, 49 na Dannah, na Kiriath-Sannah. Kre chɔɔ praa yeeri Debir. 50 Na Anab, na Eshtemoh, na Anim, 51 na Goshen, na Holon, na Giloh, chiɛ yire naa kɛmbɔnunu, na yi seechiɛ.

52 Arab, na Dumah, na Eshan, 53 na Janim, na Beth-Tappuah, na Aphekah, 54 na Humtah, na Hebron, na Zior. Yire naa kakpɔɛ kɔɔnanyjirɛ na yi kabɛɛlɛ.

55 Yire chiɛ kɛ nyjɛ na yi seechiɛ nyjɛ yiraa wa mu mbra mbra yi na yi, Maon, na Carmel, na Ziph, na Juttah, 56 na Jezreel, na Jokdeam, na Zanoah, 57 na Kain, na Gibeah, na Timnah. Kakpɔɛ yire naa kɛ na yi seechiɛ.

58 A Halhul, na Beth-Zur, na Gedor, 59 na Maarath, na Beth-Anoth, na Eltekon, naa kakpɔɛ kɔɔnanu, na yi seechiɛ.

60 A kakpɔɛ shiin na yi seechiɛ yɛ naa wa na. Yire na yi Kiriath-Baal, (ŋga praa yeeri Kiriath-Jearim kre) na Rabbah.

61 A chiɛ yɛ naa wa tablɔ tra kre nu, yire na yi Beth-Arabah, na Middin, na Secacah, 62 na Nibshan, na weŋge kakpɔɔ kre, na En-Gedi. Yiraa kakpɔɛ kɔɔnanu na yi seechiɛ.

63 La, Judah leele pre nsra ja mu Jebusite leele mblɛ praa wa Jerusalem na pre ni, pra chaa mu tni.