Ŋulo Mblɛ Moses Na Wi Mu Ja
12
Moses na Israel leele pre na klu mu wi mu leele mblɛ praa wa na shie Jordan lɔɔ yila fin haa, mu yire Arnon lɔɔ kre lawee, mu sɛ su Hermon na, hali mu tro mu sɛ yili Jordan lɔɔ mbɛɛ chiɛ yire kro na. Ŋulo shiin mblɛ praa wa wa pre kro, pra wi mu pe ja. 2 Chiɛ nyjɛ ŋulo pra wi mu ja kre wa mɛɛ naa Sihon, Amora ŋunu na wi, a wra ŋunumu li Heshbon chia kre na. Gilead tra kre yɔɔ na chaa ŋunu wre tra ŋga wraa le kre nu. Lawee ŋga wraa le kre na yire Aroer chia ŋga kraa wa Arnon landɛɛ kre nyu na, na kakpɔɔ ŋga kii wa landɛɛ kre lalaa kre na, mu sɛ su Jabbok lɔɔ kre na, bawa na yi Ammon leele sam. 3 Jordan lɔɔ lawee kre na chaa tra ŋga ŋunu wre na ta kre nu. Kra yire Galilee tapla tapan haa wa, mu sɛ su Beth-Jeshimoth chia kre na, na shie epo weŋge wo kre yila finhaa, mu sɛ su nyua Pisgah kre jaara.4 Israel leele pre na wi na ŋunu Og ŋmba wra yiri Bashan na wre ni, mna u ja. Legbakrɛ mblɛ praa yeeri Raphaite leele pre haŋu na wi. Wre wra ŋunumu li Ashtaroth, na Edrei na kre. 5 Wra tra ta mu sɛ su nyua Hermon, na Salecah, na Bashan tra kro nu, mu sɛ su Geshur, na Maacah tra sam na. Gilead tra kre yɔɔ na chaa, mu yire wa mu sɛ su ŋunu Sihon ŋmba wra yiri Heshbon na kre tra sam na.
6 O Tafun Nyiɛkpɔɔ sumifun Moses wre nyjila, Israel leele na Moses na wi pre ŋulo shiin mblɛ kro ni, mna pe ja, a Moses na pe trɛ yire yɔɔlɛ mna Reuben sele, na Gad sele, na Manasseh sele yɔɔ yire ŋga.
Ŋulo Mblɛ Joshua Na Wi Mu Ja
7 Joshua na Israel leele pre, na ŋulo mblɛ praa wa na shie Jordan lɔɔ yila tohaa wa kre krɛrɛ ja. Wra yire Baal-Gad ŋga kii wa Lebanon landɛɛ nu kre, mu sɛ su nyua Halak lawee ŋga kii wa tapan haa, mu mbra nyua Seir lawee yire na. Joshua na tra kre kro yɔɔlɛ mna Israel sele yire ŋga, a yira pe pe wee. 8 Trɛ nyjɛ Joshua na yɔɔlɛ mu pe ŋga kre, yire trɛ nyjɛ kro na chaa. Nyuɛ lawee chiɛ yire, na landɛɛ nyjɛ yii wa na shie nyuɛ yire yila tohaa, na yi yila fin haa, na Jordan lɔɔ tra lawee yire kro, na tablɔ tra ŋga kraa wa na shie tapan haa kre nu. Bawa trɛ yire krɛrɛ na Hittite leele, na Amora leele, na Canaan leele, na Perizzite leele, na Hivite leele, na Jebusite leele pre kro na nyi mu tni. 9 Israel leele pre na yire chiɛ nyjɛ krɛrɛ ŋulo pre ja. Yire na yi Jericho, na Ai ŋga kra mbra Bethel na, 10 na Jerusalem, na Hebron, 11 na Jarmuth, na Lachish, 12 na Eglon, na Gezer, 13 na Debir, na Geder, 14 na Hormah, na Arad, 15 na Libnah, na Adullam, 16 na Makkedah, na Bethel, 17 na Tappuah, na Hepher, 18 na Aphek, na Lasharon, 19 na Madon, na Hazor, 20 na Shimron-Meron, na Acshaph, 21 na Taanach, na Megiddo, 22 na Kedesh, na Jokneam ŋga kraa wa Carmel na kre, 23 na Dor ŋga kra mbra Naphoth-Dor na kre, na Goyim ŋga kraa wa Galilee tra nu kre, 24 na Tirzah. Yire chiɛ nyjɛ krɛrɛ ŋulo pre kro naa fulo na kɛmbɔnunu, a Israel leele pre na wi mu pe kro ja peii.