3 Nyiɛpɔ ŋga kra yiɛ klu kre ble kɛmbɔjijirɛ wo kre yila kɔŋgɔ pra klɛntro ble yire nɔɔhle, ki ble kɛmbɔkunɔ ble kre na Israel leele pre na yili Egypt chia ŋga praa yeeri Rameses kre na. Ŋga pra yili gbuntitirem ni na shie kre, na Egypt tra kre leele wa mu yire na pe le. 4 A kre nyjila kre na Egypt leele pree wa na pe bijloe mblɛ o Tafun Nyiɛkpɔɔ na gbo gbo pre leni, Nyiɛkpɔɔ na kre kee ŋga pe mna nyina na uu jaŋga ni mu wɛ Egypt tra sɛɛnlɛ yire na.

5 Ŋga Israel leele pre na yili Rameses na kre, Succoth na pra sɛ tni. 6 Ŋga pra yiri Succoth na, a pra sɛ tni Etham na, tablɔ tra kre nyu na. 7 Ŋga pra yili Etham na kre, a pra ndru kro mna sɛ Pi-Hahiroth na, na shie Baal Zephon yila fin haa mna sɛ tni mu mbra lawee ŋga pe yeeri Migdol kre na. 8 Ŋga pra yili wa kre, a pra Epo Nyiɛ kre kun mna le tablɔ tra kre nu, ŋga pra nyaari Etham tablɔ tra kre nu ble taarɛ kre, a pra sɛ tni lawee ŋga praa yeeri Marah kre nu. 9 Ŋga pra yiri Marah na, a pra sɛ Elim na, bawa bloe kɛmbɔshiin, na shuɛ tinyi fuloe taarɛ na kɛ yɛ na nyi, a pra tni wa. 10 Ŋga pra yiri Elim na kre, a pra sɛ tni Epo Nyiɛ kre mbɛɛ na. 11 Ŋga pra yiri Epo Nyiɛ kre mbɛɛ na kre, a pra sɛ tni Sin tablɔ tra kre nu. 12 Ŋga pra yiri Sin tablɔ tra kre nu kre, a pra sɛ tni Dophkah na. 13 A pra yiri Dophkah na, mna sɛ tni Alush na. 14 A pra yiri Alush na mna sɛ tni Rephidim na. Bawa rɛ, na nyumu n wa wa mbe pe ta mbe gbɔ. 15 A pra yiri Rephidim na, mna sɛ tni Sinai tablɔ tra kre nu. 16 Ŋga pra yiri Sinai tablɔ tra kre nu, a pra sɛ tni Kibroth-Hattaavah na. 17 Mna yiri wa mna sɛ tni Hazeroth na. 18 Mna yiri wa mna sɛ tni Rithmah na. 19 Mna yiri wa mna sɛ tni Rimmon Perez na. 20 Mna yiri wa mna sɛ tni Libnah na. 21 Mna yiri wa mna sɛ tni Rissah na. 22 Mna yiri wa mna sɛ tni Kehelathah na. 23 Mna yiri wa mna sɛ tni nyua Shepher na. 24 Mna yiri wa mna sɛ tni Haradah na. 25 Mna yiri wa mna sɛ tni Makheloth na. 26 Mna yiri wa mna sɛ tni Tahath na. 27 Mna yiri wa mna sɛ tni Terah na. 28 Mna yiri wa mna sɛ tni Mithcah na. 29 Mna yiri wa mna sɛ tni Hashmonah na. 30 Mna yiri wa mna sɛ tni Moseroth na. 31 Mna yiri wa mna sɛ tni Bene-Jaakan na. 32 Mna yiri wa mna sɛ tni Hor-Haggidgad na. 33 Mna yiri wa mna sɛ tni Jotbathah na. 34 Mna yiri wa mna sɛ tni Abronah na. 35 Mna yiri wa mna sɛ tni Ezion-Geber na. 36 Mna yiri wa mna sɛ tni Kadesh na, Zin tablɔ tra kre nu. 37 Mna yiri wa mna sɛ tni nyua Hor na Edom tra sam na.

38 Bawa srawɔfun Aaron na sɛ nyua Hor kre nduu mna ku wa, imi na o Tafun Nyiɛkpɔɔ na yo u pan kre. Wra ku nyiɛpɔ kunɔ kre ble ŋga kra yiɛklu na, ŋga Israel leele pre na yili Egypt tra nu, na ki yɛlɛ fuloe shiin yi. 39 Ŋga Aaron na ku, na u li yɛlɛ lafaa na fulo na taarɛ.

40 Canaan ŋunu ŋmba wraa wa chia ŋga praa yeeri Arad na, a kraa wa na shie tapanhaa tablɔ tra kre nu kre leele na loo na Israel leele pre paan.

41 Ŋga Israel leele pre na yiri nyua Hor kre lawee kre, a pra sɛ tni Zalmonah na. 42 Mna yiri wa mna sɛ tni Punon na. 43 Mna yiri wa mna sɛ tni Oboth na. 44 Mna yiri wa mna sɛ tni Iye-Abarim na, Moab tra sam na. 45 Mna yiri wa mna sɛ tni Dibon Gad na. 46 Mna yiri wa mna sɛ tni Almon Diblathaim na. 47 Mna yiri wa mna sɛ tni Abarim nyuɛ yire na mu mbra Nebo na. 48 Mna yiri wa mna sɛ tni Moab tra mbrɛrɛ kre nu, mu mbra Jordan lɔɔ kre lawee ŋga nu Jericho na nyi lɔɔ kro kre. 49 Moab tra mbrɛrɛ kre nu wa pra tni mu yire Beth Jeshimoth na, mu sɛ yili Abel Shittim lawee yire nu.

50 Nyjila ŋga praa wa Moab tra mbrɛrɛ kre nu mu mbra Jordan lɔɔ kre lawee ŋga nu Jericho na nyi lɔɔ kro kre, o Tafun Nyiɛkpɔɔ na yo Moses pan mbo, 51 “Yo Israel leele pre pan na, ‘Na pe waa Jordan lɔɔ kre kun mu le Canaan tra kre nu kre, 52 pe leele mblɛ pee wa mu tni tra kre nu pre kro ni, e pe sɛɛnlɛ nyjɛ pe tɛtɛ yire, na nyjɛ pe tɔɔnrɔ nya mu gbeele yire kro, e yi kla peii, yire na sumindoe nyjɛ pe sin sin nyambie na yire ni kro. 53 E tra kre wru e tni, ŋgi na hin? Mi ni e ŋga kre tra kre. 54 Na e waa le wa, mbe e kɛɛn tɛɛ mbe yire ki na mbe tra kre yɔɔlɛ e tolɛɛlɛ jlom yire nyu. A jlom ŋga ki kpɔɔ kre, e pe ŋga tra mbe ki kpɔɔ, a mblɛ pee fiɛn kre mbe e pre ŋga fiɛn. A na e kɛɛn yire tɛɛ ŋga yie wɔ mbe jlom ka ŋga kpan, kre ki fna mbe pe pe wo.

55 La, na e n shia leele mblɛ pee wa mu tni tra kre nu pre ni, pe mblɛ ee ti tra kre nu kpan, pie kɔ mbra e tɔɔra tra kre nu kpɔɔ. 56 A na ki waa pan ma, mbe e kla imi na ni jawa na mbe pe kla kre.’”