7 Nyiɛpɔ kɔɔnashin kre ble kɛ wo na kre, mbe e fni titɛɛ mbe ni sumi, ki ble kre ndro waashia tnumu tun, ndee mbe yaka le nyuu, mbe ki nyina na e fooro lii e sasam ndra na. 8 Mbe e nablɛm pala, na mbaplɔ nunu, na mbapɔɛlɛɛ bilɛ kɔɔnashin mblɛ pe li yɛlɛ nununu, a pe n na fumnɔ tɛɛ mbe yurɛ sroo sra ŋga ndiom ki tna ni pan wɔ mbe mi e Tafun Nyiɛkpɔɔ wre ŋga. 9 Mbe shɔlɔ sra mimi, ŋga nu pe olive simi chaa, a ki snam we pe kradnɛ kɔɔnanu ya nablɛm pala wre na, mbe mimi kre kradnɛ jijirɛ kra mbe ya mbaplɔ wre na, 10 mbe mimi kre kradnɛ shiin shiin kra mbe ya mbapɔɛlɛɛ pre na nununu mbe pe tɛɛ mbe yurɛ sroo sra wɔ mbe mi e Tafun Nyiɛkpɔɔ wre ŋga. 11 Mbe e kaplɔ nunu tɛɛ mbe sisam tinkɛɛ sra wɔ, mbe ya ŋmba ni e tɛɛ mu leele pre ndra lɔ wre, na blenyini yirɛ sroo sra, na shɔlɔ sra, na simi woo sra yire na.

12 Nyiɛpɔ kɔɔnashin wo kre ble kɛmbɔkunɔ na, mbe e fni titɛɛ mbe ni sumi, ki ble kre ndro waa shia tnumu tun, kena e Asɛkɛ ble kpɔɛ yire li ble kɔɔnashin. 13 Mbe e yurɛ sroo sra ŋga ndiom ki tna ni pan wɔ mbe ni ŋga na napɔɛlɛɛ kɛmbɔtaarɛ ni, na mbapilɛ shiin, na mbapɔɛlɛɛ bilɛ kɛmbɔjijirɛ mblɛ pe li yɛlɛ nununu, a pe n na fumnɔ tɛɛ mbe sra wɔ mbe ni ŋga. 14 Mbe shɔlɔ sra mimi ŋga nu pe olive simi chaa, a ki snam da kradnɛ kɔɔnanu ya ya napɔɛlɛɛ kɛmbɔtaarɛ pre na, mbe mimi kre kradnɛ jijirɛ kra mbe ya ya mbapilɛ shiin pre na, 15 mbe mimi kre kradnɛ shiin shiin ya ya mbapɔɛlɛɛ kɛmbɔjijirɛ pre na. 16 Mbe e kaplɔ tɛɛ mbe sisam tinkɛɛ sra wɔ, mbe ya blenyini sra, na shɔlɔ sra na simi woo sra yire na.

17 Ble ŋga ki taa shiin kre, mbe e napɔɛlɛɛ kɛmbɔshiin, na mbapilɛ shiin, na mbapɔɛlɛɛ kɛmbɔjijirɛ mblɛ pe li yɛlɛ nununu, a pe n na fumnɔ tɛɛ mbe sra wɔ mbe ni ŋga. 18 Nablɛm pre, na mbapilɛ pre, na mbapɔɛlɛɛ pre kro, e shɔlɔ sra, na simi wo wee yire ya yi na, imi na ni e nyina kre. 19 Mbe e kaplɔ tɛɛ mbe sisam sra wɔ, mbe ya blenyini sra, na shɔlɔ sra, na simi woo wee yire na.

20 Ble taarɛwo kre na, mbe e nablɛm kɛmbɔnunu, na mbapilɛ shiin, na mbapɔɛlɛɛ bilɛ kɛmbɔjijirɛ mblɛ pe li yɛlɛ nununu, a pe n na fumnɔ tɛɛ mbe sra wɔ. 21 Nablɛm pre, na mbapilɛ pre, na mbapɔɛlɛɛ bilɛ pre kro, e shɔlɔ sra, na simi wo wee yire ya yi na imi na ni e nyina kre. 22 Mbe e kaplɔ nunu tɛɛ mbe sisam sra wɔ, mbe ya blenyini sra, na shɔlɔ sra, na simi wo wee yire na.

23 Ble jijirɛ wo na, mbe e nablɛm kɛ, na mbapilɛ shiin, na mbapɔɛlɛɛ bilɛ kɛmbɔjijirɛ mblɛ pe li yɛlɛ nununu, a pe n na fumnɔ tɛɛ mbe sra wɔ. 24 Nablɛm pre, na mbapilɛ pre, na mbapɔɛlɛɛ bilɛ pre kro, e shɔlɔ sra, na simi wo wee yire ya yi na imi na ni e nyina kre. 25 Mbe e kaplɔ nunu tɛɛ mbe sisam sra wɔ, mbe ya blenyini sra, na shɔlɔ sra, na simi wo wee yire na.

26 Ble kunɔ wo na, mbe e nablɛm kɔɔnanyjirɛ, na mbapilɛ shiin, na mbapɔɛlɛɛ bilɛ kɛmbɔjijirɛ mblɛ pe li yɛlɛ nununu, a pe n na fumnɔ tɛɛ mbe sra wɔ. 27 Nablɛm pre, na mbapilɛ pre, na mbapɔɛlɛɛ bilɛ pre kro, e shɔlɔ sra, na simi wo wee yire ya yi na imi na ni e nyina kre. 28 Mbe e kaplɔ nunu tɛɛ mbe sisam sra wɔ, mbe ya blenyini sra, na shɔlɔ sra, na simi wo wee sra yire na.

29 Ble kɔɔnanu wo kre na, mbe e nablɛm kɔɔnatarɛ, na mbapilɛ shiin, na mbapɔɛlɛɛ bilɛ kɛmbɔjijirɛ mblɛ pe li yɛlɛ nununu, a pe n na fumnɔ tɛɛ mbe sra wɔ. 30 Nablɛm pre, na mbapilɛ pre, na mbapɔɛlɛɛ bilɛ pre kro, e shɔlɔ sra, na simi wo wee yire ya yi na imi na ni e nyina kre. 31 Mbe e kaplɔ nunu tɛɛ mbe sisam sra wɔ, mbe ya blenyini sra, na shɔlɔ sra, na simi wo wee yire na.

32 Ble kɔɔnashin ble kre na, mbe e nablɛm kɔɔnashin, na mbapilɛ shiin, na mbapɔɛlɛɛ bilɛ kɛmbɔjijirɛ mblɛ pe li yɛlɛ nununu, a pe n na fumnɔ tɛɛ mbe sra wɔ. 33 Nablɛm pre, na mbapilɛ pre, mbapɔɛlɛɛ pre, mbe e shɔlɔ sra yirɛ yire, na sra simi wo wee yire pe imi na ni e nyina kre. 34 Mbe e kaplɔ nunu tɛɛ mbe sisam sra wɔ, mbe ya blenyini sra, na shɔlɔ sra, na simi wo wee sra yire na.

35 Ble kɔɔnatarɛ ble kre na mbe e wuu, mbe fni titɛɛ mbe ni sumi, ndro waashia tnumu tun. 36 Ki ble kre mbe e yurɛ sroo sra ŋga ndiom ki tna mi e Tafun Nyiɛkpɔɔ pan wɔ na nablɛm nunu, na mbaplɔ nunu, na mbapɔɛlɛɛ bilɛ kɔɔnashin mblɛ pe li yɛlɛ nununu, a pe n na fumnɔ ni mbe ni ŋga. 37 Nablɛm nunu, na mbaplɔ nunu, na mbapɔɛlɛɛ pre, mbe e shɔlɔ sra, na simi wo wee wɔ imi na ni e nyina kre. 38 Mbe e kaplɔ nunu tɛɛ mbe sisam sra wɔ, mbe ya blenyini sra, na shɔlɔ sra, na simi wo wee yire na.

39 Yire sra nyjɛ krɛrɛ kɔkro ni, ki fna mbe e e danyi sra, na yire titi chaara sra, na yurɛ sroo sra, na shɔlɔ sra, na simi woo sra, na wejinyiŋge sra yire kro wɔ mbe mi e Tafun Nyiɛkpɔɔ wre ŋga.’”

40 Moses na kee nyjɛ o Tafun Nyiɛkpɔɔ na yo u pan yire kro yo Israel leele pre pan.