Israel leele mblɛ pra yiri Egypt tra nu mu pan mu da wa pre mɛɛ yi kre.

5 Jacob bijlo Reuben wre nanae mblɛ pra tɔɔnri na lɛ Hanoch jlom, na Pallu jlom, 6 na Hezron jlom, na Carmi jlom. 7 Kena Reuben nɔɔ leele kro na pe kagbenyi fuloe shiin na taarɛ na lafɛɛ kɔɔnashin na fulo na kɛ.

8 Pallu biblɔ na wi Eliab. 9 A Eliab bibilɛ na lɛ Nemuel, na Dathan, na Abiram. Dathan na Abiram na pe Israel leele pre loplombo mblɛ pra yiri mna Moses na Aaron taan, mna chaa Korah na u kotɔmblɔ mblɛ pra yiri mna o Tafun Nyiɛkpɔɔ taan, 10 a tra na yɔ shiin mna pe jɔli, pre na Korah ni. A ŋga kanhun na leele lafɛɛ shiin na fuloe shiin na kɛ pre shɔ mu gbo kre chɔɔ, na Korah kotɔmblɔ pre chaa. A kra pe jaaraa kee mu leele pre ŋga. 11 La, Korah wre chiin wra ku, u biile nsra ka ku.

12 Simeon jlom nanae mblɛ pra tɔɔnri na lɛ, Nemuel jlom, na Jamin jlom, na Jakin jlom, 13 na Zerah jlom, na Shaul jlom. 14 Kena Simeon nɔɔ leele naa bilɛ kagbenyi fulo na shiin, na lafɛɛ shiin.

15 A Gad jlom jlom nanae mblɛ pra tɔɔnri na lɛ, Zephon jlom, na Haggi jlom, na Shuni jlom, 16 na Ozni jlom, na Eri jlom, 17 na Arodi jlom, na Areli jlom. 18 Kena Gad nɔɔ leele pre kro nyu na pe kagbenyi fuloe shiin na lafɛɛ kunɔ.

19 Judah bibilɛ na lɛ Er na Onan, a pra klu mu ku Canaan tra nu. 20 Kena Judah jlom nanae mblɛ pra tɔɔnri na lɛ, Shelah jlom, na Perez jlom, na Zerah jlom, 21 na Hezron jlom, na Hamul jlom, 22 Kena Judah nɔɔ leele pre kro nyu naa kagbenyi fuloe taarɛ na kɛmbɔkɔɔnanu, na lafɛɛ kunɔ.

23 A Issachar jlom nyjɛ leele pra tɔɔnri pre na lɛ, Tola jlom, na Puah jlom, 24 na Jashub jlom, na Shimron jlom. 25 Kena Issachar nɔɔ leele pre nyu naa kagbenyi fuloe taarɛ na jijirɛ na lafɛɛ taarɛ.

26 Zebulun jlom nyjɛ leele pra tɔɔnri yire na yi, Sered jlom, na Elon jlom, na Jahleel jlom. 27 Kena Zebulun nɔɔ leele pre nyu na pe kagbenyi fuloe taarɛ na lafɛɛ kunɔ.

28 Joseph bibilɛ na lɛ Manasseh, na Ephraim. 29 Manasseh biblɔ na wi Makir, a Makir biblɔ na wi Gilead. Kena Gilead jlom nyjɛ leele pra tɔɔnri na yi kre, 30 Iezer jlom, na Helek jlom, 31 na Asriel jlom, na Shechem jlom, 32 na Shemida jlom, na Hepher jlom, 33 Hepher biblɔ na wi Zelophehad, chiɛlɛ bribri Zelophehad na se, blɔ nsraa wa pe nu. U bichiɛlɛ pre mɛɛ na yi kre, Mahlah, na Noah, na Hoglah, na Milcah, na Tirzah. 34 Kre jlom kre leele mblɛ pra tɔɔnri pre naa kagbenyi fuloe shiin na kɛmbɔshiin na lafɛɛ kɔɔnashin.

35 A Ephraim jlom nyjɛ leele pra tɔɔnri na yi, Shuthelah jlom, na Beker jlom, na Tahan. 36 Shuthelah nanae na lɛ Eran jlom leele. 37 Kena Ephraim nɔɔ leele mblɛ pra tɔɔnri kro nyu na pe kagbenyi fulo na kɛmbɔshiin na lafɛɛ kunɔ.

Jlom nyjɛ yira yili Joseph nɔɔ leele nu na yi kre.

38 Benjamin jlom nyjɛ pra tɔɔnri yire na yi kre, Bela jlom, na Ashbel jlom, na Ahiram jlom, 39 na Shupham jlom, na Hupham jlom. 40 Kena Ard na Naaman pre na yili Bela jlom nɔɔ nu. 41 Kena Benjamin nɔɔ leele mblɛ pra tɔɔnri kro nyu na pe kagbenyi fuloe shiin na kunɔ na lafɛɛ kɔɔnanu. 42 A Dan jlom ŋga leele pra tɔɔnri na yi kre, Shuham jlom. 43 Kena Dan nɔɔ leele mblɛ pra tɔɔnri pre nyu naa kagbenyi fuloe taarɛ na jijirɛ, na lafɛɛ jijirɛ.

44 Asher jlom nyjɛ leele pra tɔɔnri yire na yi kre, Imnah jlom, na Ishvi jlom, na Beriah jlom. 45 Kena Heber jlom, na Malkiel jlom yire na yili Beriah jlom nɔɔ nu. 46 Asher na bichlɔ wa se u mɛɛ naa Serah. 47 Kena Asher nɔɔ leele mblɛ pra tɔɔnri pre nyu naa kagbenyi fuloe shiin na kɛmbɔtaarɛ na lafɛɛ jijirɛ.

48 A Naphtali jlom nyjɛ leele pra tɔɔnri yire na yi kre, Jahzeel jlom, na Guni jlom, 49 na Jezer jlom, na Shillem jlom. 50 Kena Naphtali nɔɔ leele pre nyu na pe kagbenyi fuloe shiin na kunɔ na lafɛɛ jijirɛ. 51 Israel leele mblɛ pra tɔɔnri pre kro nyu na to kagbenyi lafɛɛ kɔɔnanu, na nunu na lafɛɛ kɔɔnashin na fulo na kɛ.

52 A o Tafun Nyiɛkpɔɔ na yo Moses pan mbo, 53 “Tra kre yɔɔlɛ mu pe ŋga mbe pe ki ta krɔyira imi na pe nɛɛmu da. 54 Mblɛ pe nɛɛ pre ŋga kpɔɔ, mu mblɛ pee fiɛn pre ŋga fiɛn. Imi na pe nɛɛmu da, kre mu le mbe pe ŋga pe tra. 55-56 Kɛɛn tɛɛ mu yire ki na mu tra kre yɔɔlɛ mu pe ŋga mbe pe ta krɔyira imi na pe jlom nɔɔ yire leele nɛɛmu da.”

57 Levi jlom nyjɛ leele pra tɔɔnri yire na yi, Gershon jlom, na Kohath jlom, na Merari jlom. 58 Yire jlom nyjɛ chɔɔ Levi jlom nɔɔ nu yira yili, Libni jlom, na Hebron jlom, na Mahli jlom, na Mushi jlom, na Korah jlom. Amram tolɛɛ na wi Kohath. 59 Amram na Levi bichlɔ wa leŋge u mɛɛ na yi Jochebed, a pra u se Egypt tra nu. Wre chlɔ wre wra Amram bibilɛ shiin Aaron, na Moses, na pe jaa Miriam se. 60 Aaron bibilɛ na lɛ Nadab, na Abihu, na Eleazar, na Ithamar. 61 La, Nadab na Abihu na ku, ŋga pra kanhun ŋga ki n fna tɛɛ mna sra wɔ mu o Tafun Nyiɛkpɔɔ wre ŋga kre. 62 Kena Levi nɔɔ leele bilɛ mblɛ pra li nyiɛpɔ nunu na shie, a pra pe tɔɔnri pre nyu naa kagbenyi fulo na taarɛ. Pe n sra pe tɔɔnri mu chaa Israel leele hamblɛ pre nu. Ŋgi na hin? Pe n sra pre ŋga tra kre ka mbe pe ta krɔyira.

63 Kena pre Israel leele mblɛ Moses, na srawɔfun Eleazar na tɔɔnri nyjila ŋga nu praa wa Moab tra mbrɛrɛ kre nu, mu mbra Jordan lɔɔ kre lawee ŋga nu Jericho na nyi lɔɔ kro kre. 64 Pre leele mblɛ wa nsra chaa Israel leele mblɛ Moses na srawɔfun Aaron na tɔɔnri Sinai tablɔ tra kre nu kre nu. 65 Ŋgi na hin? O Tafun Nyiɛkpɔɔ wre na klu mu yo pe pan na, pie ku tablɔ tra kre nu wa, pe wa nsra kro, fɔna Jephunneh biblɔ Caleb wre, na Nun biblɔ Joshua pre chiin bɔkɔ.