3 Kena Judah jlom wolo we sin mbe sɛ yilafinhaa mbe Amminadab pɔ ŋmba pe yeeri Nahshon wre pe pe lopom. 4 Kena Judah katoo leele pre kro nyu na pe kagbenyi fuloe taarɛ na kɛmbɔjijirɛ na lafɛɛ kɔɔnanu. 5 Issachar jlom kra taa, a Zuar pɔ Nethanel na pe pe lopom. 6 Kena Issachar jlom leele kro na pe kagbenyi fuloe shiin na kɛmbɔjijirɛ na lafɛɛ jijirɛ. 7 Mbe Zebulun jlom wolo taa. Helon pɔ Eliab we pe pe yɛklo. 8 Wre na u leele kro kro naa kagbenyi fuloe shiin na kɛmbɔkɔɔnashin na lafɛɛ jijirɛ. 9 Kena mblɛ praa wa mu mbra Judah na, mu yire yila finhaa wa kre kro kro naa kagbenyi lafaa na fuloe jijirɛ na kɔɔnanu na lafɛɛ jijirɛ. Yire jlom taarɛ nyjɛ, pre pie na Israel leele pre yiɛ klu ŋunɔ.

10 Na shie tapan haan kre, bawa Reuben jlom wolo we pe patae kan. Pe yɛklo wi Shedeur pɔ Elizur wre. 11 Reuben sele wolo pre kro nyu naa kagbenyi fuloe shiin na kɔɔnanu na lafɛɛ kunɔ. 12 Mblɛ pra sin mu mbra pe na na lɛ Simeon jlom wolo. A pe katoo lopom na wi Zurishaddai pɔ ŋmba pe yeeri Shelumiel wre. 13 Wre na u wolo mblɛ pra tɔɔnri kre nyu naa kagbenyi fuloe shiin na kɛmbɔkɔɔnanyjirɛ na lafɛɛ taarɛ. 14 Gad sele kra taa, a pe lopom na wi Deuel pɔ ŋmba pe yeeri Eliasaph wre. 15 Gad sele leele nyu naa kagbenyi fuloe shiin na kunɔ na lafɛɛ kɔɔnanu na yɔɔ. 16 Kena Reuben kɛhaa leele kro nyu na pe kagbenyi lafaa na fuloe shiin na kɛmbɔnunu, lafɛɛ jijirɛ na yɔɔ. Kena yire jlom taarɛ nyjɛ, pre pie taa shiin, lawee ŋga nu Israel leele we na shie ŋunɔ kro.

17 Kena fuŋga Levi leele pre we Fninyuŋgo kre tio mbe taa, mbe pe pe wa lalaa. Kena na pe shie kpan, pan pe fna mbe taataa peyɛ na sele sele.

18 Fuŋga Ephraim sele leele we taa mbra shie yila tohaa. Kre sele kre lopom wi Ammihud pɔ Elishama. 19 Ephraim sele kre leele kro naa kagbenyi fuloe shiin na yɔɔ. 20 Mblɛ pie taa na lɛ Manasseh jlom, a ki lopom wi Pedahzur pɔ Gamaliel. 21 Kre jlom kre leele nyu naa kagbenyi fulo na kɛmbɔkunɔ na lafɛɛ shiin. 22 Mblɛ pie ya pe na lɛ Benjamin sele, a ki lopom wi Gideoni pɔ Abidan. 23 Kre jlom kre kro leele nyu naa kagbenyi fulo na kɛmbɔkunɔ na lafɛɛ jijirɛ. 24 Kena mblɛ praa wa Benjamin kɛhaa na shie yila finhaa wa kre kro nyu naa kagbenyi lafaa na kɔɔnatarɛ na lafaa nunu. Kena pre pie taa taarɛ.

25 Kena na shie fninyuŋgo kre nyjeerihaa kre, Dan jlom leele pre pie tni wa. A Ammishaddai pɔ Ahiezer wi kre jlom kre lopom. 26 Wre na u leele pre nyu naa kagbenyi fuloe taarɛ na shiin na lafɛɛ kɔɔnashin. 27 Mblɛ pie tni wa mbe ya Dan na lɛ Asher sele leele. A pe lopom wi Okran pɔ Pagiel. 28 A wre na u leele mblɛ pra tɔɔnri kro nyu naa kagbenyi fuloe shiin na nunu, na lafɛɛ kunɔ. 29 Mblɛ pra taa na lɛ Naphtali sele leele, a pe lopom na wi Enan biblɔ Ahira. 30 Ahira na wre leele mblɛ pra tɔɔnri kro nyu na pe kagbenyi fuloe shiin na kɛmbɔtaarɛ na lafɛɛ jijirɛ. 31 Mblɛ pra tɔɔnri Dan jlom na kro nyu na pe kagbeŋge lafaa na fuloe shiin na kɛmbɔkɔɔnashin na lafɛɛ kɔɔnanu. Kena pre pie kro tɔ kpɔklɔ mna pie na shie ŋunɔ kpan.

32 Kena Israel leele mblɛ mɛɛ pra nyunɔ pre kro nyu na to kagbenyi lafɛɛ kɔɔnanu na taarɛ, lafɛɛ kunɔ na fuloe shiin na kɛ. 33 Imi na o Tafun wre na yo Moses pan kre, Levi leele pre rɛ, pe n na pre tɔɔnri mu chaa pe nu.

34 Imi na o Tafun Nyiɛkpɔɔ na yo Moses pan kre, jlom yire na pe yonyi nyinyi kan kan mu taala.