Numbers Hlɛ
Leele Tɔɔnrɔɔ
1
Ŋga Israel leele na yili Egypt tra nu kre, ki yɛlɛ shiin na nyiɛpɔ shiinwo kre ble ŋga kra yiɛklu na, kre o Tafun Nyiɛkpɔɔ na paara Moses ni Israel leele pre Fninyuŋgo kre nu Sinai tablɔ tra kre nu mbo, 2 “Israel leele pre kro tɔɔnri pe jlom yire, na pe sele yire kro nu. Pe ŋmba u da blɔ kpan, u mɛɛ nyunɔ. 3 Ŋu Moses, na Aaron kɛɛ ni kre tnumu ŋga le, mbe e blɔ ŋmba u da yɛlɛ fulo na shie, mbe jaa sɛ ŋunɔ kro tɔɔnri. 4 Jlom ŋga leele ee tɔɔnri kpan, e ti mbe ki lopom ya e na. 5 Bilɛ mblɛ pie yiri jlom yire nu mbe ya e na pre mɛɛ yi kre.Shedeur biblɔ ŋmba pe yeeri Elizur wre we yire Reuben jlom jele na.
6 A Zurishaddai biblɔ Shelumiel we yire Simeon jlom jele na.
7 Mbe Amminadab biblɔ Nahshon wre yire Judah jlom jele na.
8 Zuar biblɔ Nethanel we yire Issachar jlom jele na.
9 Helon biblɔ Eliab we yire Zebulun jlom jele na.
10 Ammihud biblɔ Elishama we yire
Joseph biblɔ Ephraim jlom jele na.
Mbe Pedahzur biblɔ Gamaliel wre yire
Joseph biblɔ Manasseh jlom kre jele na.
11 Gideoni biblɔ ŋmba pe yeeri Abidan
wre we yire Benjamin jlom jele na.
12 Ammishaddai biblɔ Ahiezer we yire
Dan jlom jele na.
13 Ocran biblɔ Pagiel wre we yire
Asher jlom kre jele na.
14 Deuel biblɔ Eliasaph we yire
Gad jlom wolo jele na.
15 Enan biblɔ Ahira we yire
Naphtali jlom kre jele na.”
16 Kena pre loplombo mblɛ pra wɔ, a pra yire yire pe jlom yire jele na. A pre na lɛ Israel jlom yire loplombo.
17 A Moses na Aaron, na pre leele mblɛ mɛɛ pra nyunɔ pre kro yeeri mu fni. 18 Nyiɛpɔ shiinwo kre ble ŋga kra yiɛ klu na, pra Israel leele pre kro yeeri, pe jlom, na pe sele yire nu kro, imi na pra pe mɛɛ nyunɔ kre, blɔ ŋmba u li yɛlɛ fulo na shie kro, a pe kro na pan mu fni. 19 Imi na o Tafun Nyiɛkpɔɔ na ki yo Moses pan kre, wra tia pra pe tɔɔnri nununu Sinai tablɔ tra kre nu wa.
20 Mu yire Reuben, ŋmba wra pe Israel bijlo wre jlom na, bilɛ mblɛ pe da yɛlɛ fulo na shie mbe jaa sɛ ŋunɔ pre, pra pe kro mɛɛ nyunɔ nununu mu yire pe lɛɛlɛ katoo, mu sɛ su pe jlom yire kro na. 21 Reuben jlom leele nyu naa kagbenyi fuloe shiin na kɔɔnanu na lafɛɛ kunɔ.
22 Simeon jlom kre bilɛ mblɛ pra li yɛlɛ fulo na shie mbe jaa sɛ ŋunɔ kre, pra pe mɛɛ nyunɔ kro nununu pe lɛɛlɛ katoe yire nu. 23 Pe nyu naa kagbenyi fuloe shiin na kɛmbɔkɔɔnanyjirɛ na lafaa taarɛ.
24 Gad jlom kre bilɛ mblɛ pra li yɛlɛ fulo na shie mbe jaa sɛ ŋunɔ kre, pra pe mɛɛ nyunɔ nununu pe lɛɛlɛ katoe yire nu. 25 Leele mblɛ mɛɛ pra nyunɔ Gad jlom na nyu naa kagbenyi fuloe shiin na kunɔ na lafɛɛ kɔɔnanu na yɔɔ.
26 Judah jlom kre bilɛ mblɛ pra li yɛlɛ fulo na shie mbe jaa sɛ ŋunɔ kre, pra pe mɛɛ nyunɔ nununu pe lɛɛlɛ katoe yire nu. 27 Leele mblɛ mɛɛ pra nyunɔ Judah jlom na pre kro naa kagbenyi fuloe taarɛ na kɛmbɔjijirɛ na lafɛɛ kɔɔnanu.
28 Issachar jlom wolo bilɛ mblɛ pra li yɛlɛ fulo na shie, mbe jaa sɛ ŋunɔ kre, pra pe mɛɛ nyunɔ nununu pe lɛɛlɛ katoe yire nu. 29 Pe mblɛ mɛɛ pra nyunɔ Issachar jlom na pre kro naa fuloe shiin na kɛmbɔjijirɛ na lafɛɛ jijirɛ.
30 Zebulun jlom wolo pre bilɛ mblɛ pra li yɛlɛ fulo na shie, mbe jaa sɛ ŋunɔ kre, pra pe mɛɛ nyunɔ kro nununu pe lɛɛlɛ katoe yire nu. 31 Kena bilɛ mblɛ mɛɛ pra nyunɔ Zebulun jlom na kro naa fuloe shiin na kɛmbɔkɔɔnashin na lafɛɛ jijirɛ.
32 Joseph biblɔ Ephraim jlom kre bilɛ mblɛ pra li yɛlɛ fulo na shie, mbe jaa sɛ ŋunɔ kre, pra pe mɛɛ nyunɔ nununu pe lɛɛlɛ, pe jlom na pe sele yire nu. 33 Kena Ephraim jlom wolo mblɛ mɛɛ pra nyunɔ kro nyu naa kagbenyi fuloe shiin na yɔɔ.
34 Manasseh jlomwolo, pe bilɛ mblɛ pra li yɛlɛ fulo na shie mbe jaa sɛ ŋunɔ kre, pra pe mɛɛ nyunɔ kro nununu, pe kalonyi, na pe jlom na. 35 Kena Manasseh sele leele mblɛ mɛɛ pra nyunɔ kro nyu na pe kagbenyi fulo na kɛmbɔshiin na lafɛɛ shiin.
36 Benjamin sele wolo nu pe bilɛ mblɛ pra li yɛlɛ fulo na shie mbe jaa sɛ ŋunɔ kre, pra pe mɛɛ nyunɔ kro nununu, pe katoe na pe jlom na. 37 Kena Benjamin sele leele mblɛ mɛɛ pra nyunɔ kro nyu naa kagbenyi fulo na kɛmbɔkunɔ na lafɛɛjijirɛ.
38 Dan jlom leele bilɛ mblɛ pra li yɛlɛ fulo na shie mbe jaa sɛ ŋunɔ kre, pra pe mɛɛ nyunɔ kro nununu, pe katoe na pe jlom na. 39 Dan jlom leele mblɛ pra nyunɔ kro naa kagbenyi fuloe taarɛ na shiin na lafɛɛ kɔɔnashin.
40 Asher jlom wolo, pe bilɛ mblɛ pra li yɛlɛ fulo na shie, mbe jaa sɛ ŋunɔ kre, pra pe mɛɛ nyunɔ kro nununu, pe katoe na pe jlom na. 41 Mblɛ pra nyunɔ kre kro nyu naa kagbenyi fuloe shiin na nunu na yɔɔ.
42 Naphtali jlom wolo nu, pe bilɛ mblɛ pra li yɛlɛ fulo na shie, mbe jaa sɛ ŋunɔ kre, pra pe mɛɛ nyunɔ kro nununu, pe katoe na pe jlom na. 43 Mblɛ pra nyunɔ jlom yire nu kro naa kagbenyi fuloe shiin na kɛmbɔtaarɛ na lafɛɛ jijirɛ.
44 Kena Israel leele bilɛ mblɛ mɛɛ Moses na Aaron na tia Israel leele yɛkulo kɛmbɔshiin pre na nyunɔ lɛ kre. Pre yɛkulo kɛmbɔshiin mblɛ pra yire jlom kɛmbɔshiin yire nyu na. 45 Pra Israel leele kro mɛɛ nyunɔ pe bilɛ mblɛ pra li yɛlɛ fulo na shie mbe jaa sɛ ŋunɔ, mu yiri pe katoo na pe jlom nu. 46 Pe kro kro nyu na pe kagbenyi lafɛɛ kɔɔnanu na taarɛ na lafɛɛ kunɔ na yɔɔ.
47 Pre leele mblɛ, Levi wolo pre n na chaa pe nu. 48 Nyiɛkpɔɔ na klu mu yo Moses pan mbo, 49 “Yaa shia Levi jlom leele pre mɛɛ nyunɔ mbe chaa pe nu.” 50 Mbo, “Fninyuŋgo kre wru mu le Levi leele pre kɛɛ, mbe praa kre na ki yirɛ kro le.” Mbo, “Lawee ŋga nu ee na shie kro, pre pie na Fninyuŋgo kre yirɛ kro tru. A pre pie na jiin mbra ki feni mbra kuun, mbra ki le. 51 A na ki pan na ee kɔ e titɛɛ, pre Levi leele pre pe fna mbra fninyuŋgo kre klɔ, a na e da mna ee tni, pre pe fna mbra ki kani. Lewaa ŋmba we da ki na kpan, ki fna pe u gbo. 52 Na e da mna ee tni, ti mbe Israel leele pre pe yonyi nyinyi kan kan peyɛ na sele sele. Blɔ na u chɔ na u biile. 53 Levi leele pre rɛ, pre pie pe yonyi nyinyi kan kan mbe Fninyuŋgo kre fɛ mbe kun, imi kie pe mbe Nyiɛkpɔɔ krɔ wa kɔɔ kun na pe ni. Kena pre pie na Fninyuŋgo kre le.”
54 Israel leele pre na li kee nyjɛ o Tafun Nyiɛkpɔɔ na tro Moses na mu yo yire kro na.