Esau Nɔɔ Leele Kee
36
Esau chɔɔ praa yeeri Edom, a u nɔɔ leele lɛ kre. 2 Esau na Canaan chiɛlɛ plɛ leŋge. Nunu mɛɛ na yi Adah, Elon Hittite ndro wre bichlɔ na wi, a shiinwo wre mɛɛ na yi Oholibamah, Anah bichlɔ na wi wre, a Zibeon Hivite ndro wre nana na wi. 3 A wra chin mu Basemath, Ishmael bichlɔ wre leŋge mu ya. Wre lɛm na wi Nebaioth. 4 Adah wra Eliphaz se, a Basemath na Reuel se, 5 a Oholibamah na Jeush, na Jalam, na Korah se. Pre bibilɛ mblɛ krɛrɛ, Canaan tra nu Esau na pe se.6 Ki ble ka, Esau na u chiɛlɛ pre, na u bibilɛ, na u bichiɛlɛ, na leele mblɛ praa wa u katoo kro, na u yurɛ, na yirɛ nyjɛ wra ta Canaan tra nu kro bali, mna yiri u chunu Jacob mbɛɛ na mna sɛ tni tra ka nu. 7 Pe kro shiin pre yurɛ mblɛ praa wa pe pan na nɛɛ, a tra ŋga na pra nyi kre naa fiɛn, kre kra tia Esau na yiri wa. 8 Ŋga Esau na yiri wa kre, a wra sɛ tni nyuɛ lawee ka nu Seir na. Esau chɔɔ praa yeeri Edom kre.
Esau Nɔɔ Lee
9 Esau nɔɔ leele na lɛ, Edom leele, a praa wa mu tni Seir nyuɛ lawee kre nu.
10 Esau bibilɛ mblɛ wra se na lɛ kre,
u chɔ Adah biblɔ na wi Eliphaz, a u chɔ Basemath biblɔ na wi Reuel.
11 Esau biblɔ Eliphaz ŋmba lo na wi Adah wre,
u bibilɛ na lɛ Teman, na Omar, na Zepho, na Gatam, na Kenaz.
12 Eliphaz na bichrɔ wa wru,
u mɛɛ na yi Timna, pra biblɔ wa se, u mɛɛ na yi Amalek. Kena Esau na u chɔ Adah nanae na lɛ pre bibilɛ mblɛ kro.
13 Esau chɔ Basemath biblɔ Reuel,
wre na yiri mna bibilɛ jijirɛ se, pre na lɛ, Nahath, na Zerah, na Shammah, na Mizzah, kena pre bibilɛ jijirɛ mblɛ kro, Esau nanae na lɛ na.
14 Esau chɔ Oholibamah lɛ na wi Anah, a Zibeon biblɔ na wi Anah, kena Zibeon nana na wi Oholibamah, a wra bibilɛ taarɛ se Esau na.
Pe mɛɛ na yi Jeush, na Jalam, na Korah.
15 Kena Esau na u chɔ
Adah biblɔ lopom Eliphaz bibilɛ mblɛ na lɛ jlom loplombo na lɛ kre,
Teman na u jlom, Omar na u jlom, Zepho na u jlom, Kenaz na u jlom. 16 Korah na u jlom, Gatam na u jlom, Amalek na u jlom. Pre jlom loplombo mblɛ krɛrɛ, Esau na Adah nanae na lɛ.
17 Esau chɔ Basemath biblɔ Reuel wre,
u bibilɛ mblɛ pra ŋunumu li na lɛ, Nahath, na Zerah, na Shammah, na Mizzah. Pre ŋulo mblɛ krɛrɛ, Edom tra nu pra nyi, Esau na u chɔ Basemath nanae na lɛ pe kro.
18 Esau na u chɔ Oholibamah bibilɛ mblɛ pra ŋunumu li na lɛ,
Jeush, na Jalam, na Korah. Pre ŋulo mblɛ krɛrɛ, Esau na Oholibamah, ŋmba na wi Anah bichlɔ wre nanae na lɛ.
19 Esau chɔɔ praa yeeri Edom, a u bibilɛ mblɛ pra jlom li na lɛ kre.
Seir Nɔɔ Leele
20 Hori ndro ŋmba praa yeeri Seir kre, u bibilɛ mblɛ praa wa Edom tra kre nu na lɛ,
Lotan, na Shobal, na Zibeon, na Anah, 21 na Dishon, na Ezer, na Dishan, pre Seir bibilɛ mblɛ, pre pra ŋunumu li Hori leele nu.
22 Lotan bibilɛ na lɛ,
Hori, na Homam. A Lotan jaa na wi Timna.
23 Shobal bibilɛ na lɛ,
Alvan, na Manahath, na Ebal, na Shepho, na Onam.
24 Zibeon bibilɛ na lɛ,
Aiah, na Anah. Wre Anah ŋmba wra sɛ blo wrɛŋgɛ kre nya tablɔ tra kre nu wa, na u sɛ na u lɛ bubunlɔ ni ka haa kre.
25 Anah biile na lɛ,
Dishon, na Oholibamah.
26 Dishon bibilɛ na lɛ,
Hemdan, na Eshban, na Ithran, na Keran.
27 Ezer bibilɛ na lɛ,
Bilhan, na Zaavan, na Akan.
28 Dishan bibilɛ na lɛ,
Uz, na Aran.
29 Hori leele mblɛ pra jɔɔn li Seir tra nu na lɛ,
Lotan, na Shobal, na Zibeon, na Anah, 30 na Dishon, na Ezer, na Dishan. Pre leele mblɛ na tni jlom jlom.
Edom Ŋulo
31 Leele mblɛ pra ŋunumu li Edom tra nu, a Israel leele na chin mu ŋunu ŋmba wra yiɛklu tɛɛ na lɛ kre.
32 Beor biblɔ Bela wra ŋunumu li, kakpɔɔ ŋga praa yeeri Dinhabah na, Edom tra nu.
33 Ŋga Bela na ku, a Jobab, Zerah biblɔ ŋmba wra yiri Bozrah na wre, na pan mu ŋunumu li.
34 Ŋga Jobab na ku, a Husham ŋmba wra yiri Teman leele tra nu wre, na pan mu ŋunumu li.
35 Ŋga Husham na ku, a Bedad biblɔ Hadad, ŋmba wra wi mu Midian leele ja, Moab tra nu wre na pan mu ŋunumu li, u chia na yi Avith kakpɔɔ kre.
36 Ŋga Hadad na ku, a Samlah ŋmba wra yiri Masrekah na wre na pan, mu ŋunumu li.
37 Ŋga Samlah na ku, a Shaul ŋmba wra tni Rehoboth na, lɔɔ mbɛɛ na wre na pan, mu ŋunumu li.
38 Ŋga Shaul na ku, a Baal-Hanan, Acbor pɔ wre, na pan mu ŋunumu li. 39 Ŋga Baal-Hanan, Acbor pɔ wre na ku kre, a Hadad na pan mu ŋunumu li. U chia mɛɛ na yi Pau, a u chɔ mɛɛ na yi Mehetabel, Matred bichlɔ na wi, a wra pe Me-Zahab nana.
40 Esau nɔɔ leele mblɛ pra tni Edom na, mna ŋunumu li, mna tni jlom jlom kre, pe mɛɛ yi taala kre.
Timna jlom, na Alvah jlom, na Jetheth jlom, 41 na Oholibamah jlom, na Elah jlom, na Pinon jlom, 42 na Kenaz jlom, na Teman jlom, na Mibzar jlom, 43 na Magdiel jlom, na Iram jlom.
Lawee nyjɛ nu pra tni tni pe yɛ yɛ kre, pe mɛɛ pra tɛɛ tɛɛ yi na.