Noah Biile Nɔɔ Leele
10
Noah biile Shem, na Ham, na Japheth nɔɔ leele mɛɛ yi kre. Pre taarɛ mblɛ na kɔ mna bibilɛ bribri se, nyjila ŋga nyumu na lawee kla kre kɔkro.2 Japheth bibilɛ na lɛ,
Gomer, na Magog, na Madai, na Javan, na Tubal, na Meshech, na Tiras.
3 Gomer bibilɛ na lɛ
Ashkenaz, na Riphath, na Togarmah.
4 Javan bibilɛ na lɛ,
Elishah, na Tarshish, na Kittim, na Dodanim.
5 Pre na lɛ leele mblɛ pra nyina mu tni epo nyu na pre tolɛɛlɛ. Pre lɛ Japheth nɔɔ leele mblɛ pra tni sele sele pe yɛyɛ pe waŋgrɛ nu, a pe yolo na yili yi yɛyɛ kre.
6 Ham bibilɛ na lɛ,
Cush, na Mizraim, na Put, na Canaan.
7 Cush bibilɛ na lɛ
Seba, na Havilah, na Sabtah, na
Raamah, na Sabteca. A Raamah bibilɛ na lɛ Sheba, na Dedan.
8 Cush na biblɔ wa se, u mɛɛ na yi Nimrod, a wra yiri mna pe winchinfun titi waŋgra ŋga nu. 9 Nyiɛkpɔɔ na ya u na, a wra pe bɔfɔ titi. Kre kra tia leele na ki tɛɛ na kala yuu mbo, “Nyiɛkpɔɔ we ti mu pe bɔfɔ titi na Nimrod wi.” 10 Nimrod na wi Babylon, na Erech, na Akkad, na Calneh chiɛ nyjɛ yiraa wa Shinar tra nu yire ŋunu jle. 11 Wra yiri kre tra kre na, mna sɛ Assyria tra nu, mna sɛ Nineveh, na Rehoboth Ir, na Calah, 12 na Resen ŋga kii wa Nineveh, na Calah kakpɔɔ lalaa yire sin.
13 Mizraim nɔɔ leele na lɛ,
Ludim leele, na Anam leele, na Lehabim leele, na Naphtuhim leele, 14 na Pathrusim leele, na Casluh leele, na Caphtor leele, a Casluh leele nu Philistine leele na yili.
15 Canaan bibilɛ na lɛ,
Sidon, na Hittite, a Sidon na wi lopom. 16 Canaan wre chɔɔ nu Jebusite leele, na Amora leele, na Girgash leele, 17 na Hivite leele, na Arka leele, na Sini leele, 18 na Arvad leele, na Zemarite leele, na Hamath leele na yili.
Mbakɔ Canaan nɔɔ leele na nyina tra kre nu, 19 a pre na Sidon na sɛ sam le tapan haa, na shie Gerar haa, hali mu sɛ su Gaza na, mu yire wa mu sɛ yili Sodom, na Gomorrah, na Admah, na Zeboiim na, mu yire wa mu sɛ yili Lasha na.
20 Ham bibilɛ na lɛ kre, a pra yɔɔlɛ mu tni sele sele pe trɛ, na pe waŋgrɛ nu, a pe yolo na yili yi yɛ yɛ.
21 Shem na bibilɛ se, a u chunu na wi Japheth. Shem wre chɔɔ nɔɔ leele na lɛ Eber bibilɛ pre.
22 Shem bibilɛ pre mɛɛ yi kre,
Elam na Asshur, na Arphaxad na Lud, na Aram.
23 Aram bibilɛ pre na lɛ,
Uz na Hul na Gether, na Meshech.
24 Arphaxad pɔ na wi Shelah,
a Shelah pɔ na wi Eber.
25 Eber na bibilɛ shiin se,
a nunu mɛɛ na yi Peleg. Ŋgi na hin? U nyjila Nyiɛkpɔɔ na, tra ŋga yɔɔlɛ. U chunu mɛɛ na yi Joktan.
26 Joktan bibilɛ mblɛ wra se mɛɛ na yi kre,
Almodad na Sheleph, na Hazarmaveth na Jerah, 27 na Hadoram na Uzal, na Diklah, 28 na Obal, na Abimael, na Sheba, 29 na Ophir na Havilah, na Jobab. Pre leele mblɛ kro Joktan bibilɛ na lɛ.
30 Tra ŋga nu pre leele mblɛ krɛrɛ na nyi mu tni kre, kraa wa mu sni mu yire Mesha na mu sɛ su Sephar na, na shie yila finhaa nyambie yire nu wa.
31 Shem bibilɛ mɛɛ na yi kre, a pra yɔɔlɛ mu tni sele sele, na yolo nyini nyini yuu pe waŋgrɛ, na pe trɛ nu.
32 Pre leele mblɛ kro na pe Noah nɔɔ leele, a praa wa mu tni pe waŋgrɛ nu pe yɛ yɛ, imi na pe semtaalaa na nyi. Ŋga nyumu na tra kla kre kɔkro, Noah nɔɔ leele mblɛ chiin nu waŋgrɛ leele yire mu nyina tra yiɛ na.