Adam Nɔɔ Leele Mɛɛ
5
Adam nɔɔ leele mɛɛ yi kre. Ŋga Nyiɛkpɔɔ na leele gbeele kre, wra pe pe, a pra wre titi wru. 2 Wra pe wa chlɔ na blɔ, mna pe dwan, mna pe mɛɛ tɛɛ mbo, “Lewo na nyjuro.” 3 Ŋga Adam na li yɛlɛ lafaa na fulo na kɛ kre, wra biblɔ wa se a wra u wru. Wra u mɛɛ tɛɛ Seth. 4 Kre kɔkro, wra li yɛlɛ lafɛɛ kɔɔnatarɛ mna biile plɛ se na, 5 mna chin mu ku, na u li yɛlɛ lafɛɛ kɔɔnanyjirɛ na fulo na kɛ.6 Ŋga Seth na li yɛlɛ lafaa na kunɔ kre, a wra biblɔ se. U mɛɛ na yi Enosh. 7 Kre kɔkro, Seth na li yɛlɛ lafɛɛ kɔɔnatarɛ, na kɔɔnashin mna biile plɛ se mu ya. 8 Seth na li yɛlɛ lafɛɛ kɔɔnanyjirɛ na kɛmbɔshiin mna chin mu ku.
9 Ŋga Enosh na li yɛlɛ fuloe jijirɛ na kɛ kre, wra biblɔ se, u mɛɛ na yi Kenan. 10 Kre kɔkro, Enosh na li yɛlɛ lafɛɛ kɔɔnatarɛ na kɛmbɔkunɔ mna biile plɛ se mu ya. 11 Wra li yɛlɛ lafɛɛ kɔɔnanyjirɛ na kunɔ, mna chin mu ku.
12 Ŋga Kenan na li yɛlɛ fuloe taarɛ na kɛ kre, wra biblɔ se. U mɛɛ na yi Mahalalel. 13 Kre kɔkro ni, wra li yɛlɛ lafɛɛ kɔɔnatarɛ na fuloe shiin mu ya, mna biile plɛ se mu ya na. 14 Wra li yɛlɛ lafɛɛ kɔɔnanyjirɛ na kɛ, mna chin mu ku.
15 Ŋga Mahalalel na li yɛlɛ fuloe taarɛ na kunɔ kre, wra biblɔ se mna u mɛɛ tɛɛ Jared. 16 Ŋga wra li yɛlɛ lafɛɛ kɔɔnatarɛ na fulo na kɛ kre, wra biile plɛ sɛ mna ya. 17 Mahalalel na li yɛlɛ lafɛɛ kɔɔnatarɛ na fuloe jijirɛ na kɛmbɔkunɔ mna chin mu ku.
18 Ŋga Jared na li yɛlɛ lafaa na fuloe taarɛ na shiin kre, wra biblɔ se. U mɛɛ na yi Enoch. 19 Kre kɔkro, ŋga wra li yɛlɛ lafɛɛ kɔɔnatarɛ kre, wra biile plɛ se mu ya, 20 Jared na li yɛlɛ lafɛɛ kɔɔnanyjirɛ na fuloe taarɛ na shiin mna chin mu ku.
21 Ŋga Enoch na li yɛlɛ fuloe taarɛ na kunɔ kre, wra biblɔ se. U mɛɛ na yi Methuselah. 22 Kre kɔkro Enoch na Nyiɛkpɔɔ na nyaari yɛlɛ lafɛɛ taarɛ, a wra biile plɛ se mu ya na. 23 Wra tni yɛlɛ lafɛɛ taarɛ na fuloe taarɛ na kunɔ. 24 U tnimu kro nu, wre na Nyiɛkpɔɔ na nyaari. A mbakɔ, wra kɔ mu fun leele yiɛ na. Ŋgi na hin? Nyiɛkpɔɔ na u bali mu sɛ na u ni nyjeeri.
25 Ŋga Methuselah na li yɛlɛ lafaa na fuloe jijirɛ na kɔɔnashin kre, wra biblɔ se. U mɛɛ na yi Lamech, 26 kre kɔkro wra li yɛlɛ lafɛɛ kɔɔnashin na fuloe jijirɛ na shiin mna biile plɛ se na mu ya. 27 Methuselah na li yɛlɛ lafɛɛ kɔɔnanyjirɛ na fuloe taarɛ na kɔɔnanyjirɛ mna chin mu ku.
28 Ŋga Lamech na li yɛlɛ lafaa na fuloe jijirɛ na shiin kre, wra biblɔ se, 29 mna u mɛɛ tɛɛ Noah. Ki nyina na wre we ti mbe pe wuu tnumu kpakpaa ŋga praa tuni tra ŋga o Tafun Nyiɛkpɔɔ na sun kre na. 30 Kre kɔkro, Lamech na li yɛlɛ lafɛɛ kunɔ na fuloe jijirɛ na kɛmbɔkunɔ, mna biile plɛ se mu ya. 31 Lamech na li yɛlɛ lafɛɛ kɔɔnashin na fuloe taarɛ na kɛmbɔkɔɔnashin mna chin ku.
32 Ŋga Noah na li yɛlɛ lafɛɛ kunɔ kre, wra bibilɛ taarɛ se. Pe mɛɛ na yi Shem, na Ham, na Japheth.