Is Ketezengan ni Pablo Mehitenged te Ketengdanan Din
10
Duen egkaǥi he siak,
si Pablo,
telawen a emun diyan a te keniyu,
iyan,
memeǥarang kun is menge lalag ku keniyu emun edlelaǥan ku sikiyu pinaaǥi te surat.
Iyan,
guntaan,
kenà meǥarang is menge lalag ku,
kekenà,
edhangyù a keniyu pinaaǥi te menayù he menge lalag iring te menayù wey veliǥeǥawen si Kristu.
2 Idhangyù ku keniyu he purungi niw is ulaula niw su wey kenà kinahanglan he mebmeǥarang is menge lalag ku emun diyan a te keniyu.
Duen duma keniyu he egkaǥi he iring a te etew zà duen he kenà dekelà diyà te ǥehinawa zin is egkesuatan te Megbevayà.
Ne hanu man su kayi te kedhendiyan ku te keniyu emun kenè dan ebpurungan is menge ulaula zan,
ne egkeehè dan ke sengemenu keǥarang is menge lalag ku.
3 Tutuu iyan he etew key zà duen,
iyan,
is paaǥi te kedsukuli zey te mezaat,
ne kenà ebpuun te isip te etew zà duen.
4 Su is menge ketezengan,
he ke và dà gumaan,
he idsukul zey te mezaat,
ne kenà ebpuun te etew,
kekenà,
mekeǥeǥehem utew su ziyà ebpuun te Megbevayà.
Ne heini is menge ketezengan,
kenà egkesukulan te minsan hengkey he tarù he ketezengan he igkuntada te Megbavayà minsan ke utew melig-en.
5 Ne iyan heini egemiten dey te kedeeǥa te menge tarù he ketezengan te menge mepedeliǥen he etew he kenà egkesuat he edtuu te ibpesavut te Megbevayà.
Ne minsan is ked-isipa zan te tarù,
egkehimu he ed-ilisan dey su wey zan human meisip is tutuu ne pinaaǥi kayi ebpemineǥen dan is menge suǥù ni Kristu.
6 Ne emun ibpeehè niw en he metinumanen kew te menge suǥù ni Kristu,
ne zutun edsilutan dey is minsan hentei pa he tumutuu ziyan he kenè pa egkesuat he ebpemineg te menge suǥù din.
7 Purungi niw isipa is nesavut niw en su zuen menge zuma niw he kunaan dan ke iyan dan dà menge hustu he suluǥuen ni Kristu.
Kinahanglan he mesavut dan he sikami,
hustu key zaan he menge suluǥuen ni Kristu.
8 Kenè en buwa kinahanglan he egkeǥiyen ku keniyu he zuen kebayàbayà ku keniyu he imbeǥey kedì te Megbevayà.
Iyan,
ke henduen be te utew subra is idantal ku,
kenè ku igkeeled heini su wazè din iyan iveǥaya kayi te kebayàbayà dini te kediey su wey ku mezezeeti is kedtuu niw,
kekenà,
imbeǥey zin kediey su wey ku melig-eni is kedtuu niw.
9 Kenè ku egkesuatan he ibpelihandek ku keniyu is menge surat ku,
10 iyan,
duen egkaǥi he siak si Pablo,
utew a mevurut he edawey keniyu emun ebpekidlalag a keniyu pinaaǥi te surat,
iyan,
emun diyan a te keniyu,
telawen e kun ne kenè e kun metau he egkaǥi.
11 Is etew he egkaǥi te iring kayi,
kinahanglan he sevuta zin he is egkeǥiyen dey pinaaǥi te surat emun kenè key ziyan te keniyu,
ne iyan ded ed-ul-ulahan dey emun ebpekeuma key ziyan.
12 Telawen key iyan te ked-iring te menge ulaula te menge zuma he etew ziyan he menge mepedeliǥen.
Kunaan dan ke iyan sikandan metau egkaǥi ke hengkey is meupiya he ulaula.
Utew zan tulebung!
Su emun ed-iringan te menge etew is kandan he ulaula egkeǥiyen dan he utew meupiya.
Iyan,
ke kenà sikandan ed-iringan te menge etew egkeǥiyen dan he sayep haazà is kenà ed-iring.
13 Ne sikami,
kenà subra is kedantal zey su iyan dey zà idantal haazà is nehimu zey te edtuman he insuǥù kenami te Megbevayà.
Ne ragkes kayi is menge vaal zey hein diyan key te keniyu.
14 Kenà egkehimu he subra is kegemita zey te keǥehem dey emun edsembaǥan dey sikiyu.
Kenè dey sikiyu pezem egkeveyveyaan ke wazè dey sikiyu mepenudtuli zengan,
iyan,
iyan key nehuna he nekeuma ziyan he ebpenudtul te Meupiya he Tudtulanen mehitenged ki Kristu.
15 Kenè dey idantal is menge vaal te zuma he etew ziyà te menge inged he zutun wazè key suǥua te Megbevayà.
Iyan,
geina te neragkes kew kayi te mibpeveelan kenami te Megbevayà,
egkesuatan dey he emun ed-iseg en is kedtuu niw ne edtevangan key keniyu zutun te menge vaal zey ziyan te inged niw.
16 Ne pinaaǥi kayi egkehimu he idsangyew zey is Meupiya he Tudtulanen ziyà te menge meziyù he inged he ziyan dapit te keniyu.
Su kenè dey egkesuatan he idantal zey is mibeelan te zuma he etew zutun te menge inged he wazè key zutun suǥua te Megbevayà.
17 Duen insurat he Lalag te Megbevayà he edhenduen te,
“Ke zuen etew he egkesuat he edantal,
kinahanglan he iyan dà idantal zin is nengehimu te Nengazen.”
18 Su emun edeliǥen ta is kenita he menge vaal,
kenà heini egkesuatan te Megbevayà,
iyan,
emun duen igkezeliǥi kenita te Megbevayà iyan heini egkesuatan te Megbevayà.